– Qazir bárimiz Jańa Qazaqstan týraly aityp jatyrmyz, Jańa Qazaqstandaǵy alaiaqtar da jańa deńgeige kóterilipti. Búgin is-saparǵa barar aldynda men olardyń qurbany boldym. Endi sizderden men siiaqty óreskel qatege jol bermeýdi jáne osy alaiaqtardy ustaýǵa kómektesýdi suraimyn, – dep jazdy halyqaralyq dárejedegi sport sheberi.
Imashevtyń aitýynsha, alaiaqtar onyń kartasyna is-saparǵa barýǵa arnalǵan qomaqty soma túsken soń habarlasqan.
– Is-sapar aldynda jeke kartama qomaqty qarajat túsedi. Sol boida maǵan Ulttyq bank qyzmetkerimin jáne sizge quzyrly organdardan habarlasady dep bir adam zvondady. Keiin quzyrly organnan habarlasyp turmyz, sizdiń shotyńyzdan osynsha sýmma bar dep habarlasyp, ony sheship alýymdy jáne kórsetilgen esepshotqa salýymdy suraidy. Ózin Rýstam Abdrahmanov dep tanystyrǵan azamat osy nusqaýlyqty oryndaý arqyly qylmyskerlerdi (moshennikter) ustaýǵa kómektesetinimdi aitty.
Telefonda ózin Almaty qalasy politsiia Departamenti bastyǵynyń tergeý boiynsha orynbasary retinde arnaiy operatsiia júrgizip otyrǵanyna sendirdi jáne operatsiia aiaqtalǵansha eshkimge tis jarmaýymdy surady. Eger alaiaqtar kúdiktense, ustai almai qalamyz dedi.
Kórsetilgen esepshotqa bankten sheship alǵan sýmmany salǵan boida, telefon nomerleri bailanys aiasynan tys jerde. Aidyń-kúnniń amanynda is-saparǵa degen qarajatym qoldy boldy. Al olardyń bári bostandyqta, tipti memlekettik, ulttyq organdardyń atyn jamylyp, oilaryn eshqandai qiyndyqsyz júzege asyryp júr. Mundai jaǵdai tek bireý emes, óte kóp dep oilaimyn. Bizdiń quzyrly organdar nelikten bulardy baqylaýǵa ala almaidy? – dep tolyqtyrdy sportshy.
