Bul týraly BAQ.kz habarlaıdy.
Bıbiasara elimizdegi talantty shahmatshylardyń biri. Jastyǵyna qaramastan oqýshylar arasynda úsh márte álem chempıonatyn utqan. Bir ret 8 jasqa deıingi búldirshinder arasynda álem birinshiliginde top jarǵan. 7 jasynda áıelder arasyndaǵy FIDE sheberi ataǵyn alǵan.
Endi, mine, Asaýbaeva Qazaqstannyń emes, Reseıdiń atynan shyǵatyn boldy. Sportshy qyzdy Máskeý oblysynyń Shahmat federasıasynyń prezıdenti Sergeı Nesterov shaqyrǵan. Bıbisara qazirgi Máskeý oblysyna qarasty Hımkı qalasynda turady.
Bıbisara Taraz qalasynyń týmasy. 2004 jyly 26 aqpanda dúnıege kelgen. Tanymal ıntelektýaldyq oıynǵa 4 jasynda atasy baýlyǵan eken.
Shahmatshy qyzdyń anasy Lıana Tańjaryqova buǵan deıingi bergen suhbattarynda Federasıa tarapynan qoldaýdyń azdyǵyn aıtqan bolatyn.
Aıta keteıik, Bıbisara shahmattan bólek, kórkem gımnastıkamen de aınalysady. Sporttyń bul túrinen Astana qalasynyń eki dúrkin chempıony atanǵan. Bolashaqta kórkem gımnastıkadan Olımpıada chempıony bolýdy jáne shahmattan áıelder arasynda álem chempıony atanýdy kózdeıtinin jetkizgen bolatyn.
