Qazaqstandyq tanymal akter Shárip Serik qyzdy uryp-soqty dep aıyptaldy. Polısıa osy jaǵdaıǵa qatysty tekseris bastady, – dep habarlaıdy Dalanews.kz.

Mán-jaı

Álıa Býteeva esimdi qyz jelide sýret-vıdeolar jarıalady. Kadrlardan akter Shárip Serik qyzdyń artynan jalań aıaq júgirip shyǵyp, qolynan ustap, lıftten shyǵaryp alǵany kórinedi.

Qyz beti qyzarǵan sýretterin de jarıalady.

Qazir osy oqıǵa boıynsha tekseris júrgizilip jatyr.

"Bul derek boıynsha tekseris júrgizilip jatyr. Oqıǵanyń mán-jaıy, sonyń ishinde orny men ýaqyty anyqtalyp, Qazaqstan Respýblıkasynyń zańnamasyna sáıkes sharalar qoldanylady", - dedi Almaty Polısıa departamenti ókili.

Kompanıa málimdemesi

Osy oqıǵadan keıin Sálem Entertainment kompanıasy akter Shárip Serikpen áriptestik qarym-qatynasyn toqtatý týraly sheshim qabyldady.

"Sońǵy oqıǵalarǵa baılanysty Sálem Entertainment ujymy Shárıp Serikti «qara tizimge» engizip, onymen kez kelgen yntymaqtastyqty tolyǵymen toqtatty.

Buǵan deıin jarıalanǵan "Shakal" serıaly men Qarga serıalynyń úshinshi maýsymy resmı túrde jabyldy. Sonymen qatar, akter Meow serıalynyń ekinshi maýsymynda basty rólderdiń birin somdaýy tıis bolǵan, alaıda ol jobadan tolyqtaı alynyp tastaldy", - dep jazylǵan habarlamada.

Sondaı-aq, "Patrúl: poslednıı prıkaz" fılminiń shyǵarmashylyq ujymy akterdiń qatysýymen túsirilgen kórinisterdi kınonusqadan alyp tastaý jumystaryn belsendi júrgizip jatqany belgili boldy.

Kompanıa málimetinshe, aktermen aradaǵy barlyq kelisimshart toqtatylǵan.