Beinejoldaýda:
«Aǵaiyndy Nyǵmatýlinder kepilge qoiǵan múliktiń qunyn 7 ese tómendetip, zańsyz elektrondy saýda arqyly bótenniń múlkin tartyp alýdy kózdegen qylmystyq top. Olar reiderlik jasap, kásipkerlerdiń múlkin bir emes birneshe ret tartyp alyp, jalǵan firmalar men jeke adamdardyń atyna rásimdegen.
Reiderlik jasaý faktisi boiynsha prezidenttiń atyna kásipkerler tarapynan 40-tan astam shaǵym túsken.
Aǵaiyndy Nyǵmatýlinder bireýden tartyp alynǵan biznesti iesine qaitarmas úshin ózderiniń qyzmettik ókilettiligin asyra paidalanyp, prokýratýraǵa, politsiiaǵa, sot júiesine ákimshilik qysym jasady. Tipti, kásip iesin tutqyndap, bostandyǵynan aiyrýǵa deiin bardy. Meniń jaǵdaiym da osyǵan uqsas.
Búginde Sybailas jemqorlyqqa qarsy agenttik ár isti naqty zerttep, sot organdary arqyly túrmeler men lagerlerdegi Nyǵmatýlinder zańsyz sottatqan adamdardy bostandyqqa shyǵaryp jatyr. Tek qazir ǵana Nyǵmatýlinderdiń qylmystyq áreketi aýqymdy túrde aitylyp, ádildik pen shyndyq kútken júz myńdaǵan qazaqstandyqtyń senimin oiatty» dedi biraz jaittyń betin ashyp.
Nyǵmatýlinder áýletiniń álsizge kúsh kórsetip, talaidyń kásibinen aiyryp júrgenine birneshe jyldyń júzi bolǵan.
Sebebi, Nazarbaevtyń «tilin» taýyp, kóńilinen shyǵa bilgen Májilistiń eks-tóraǵasy Nurlan Nyǵmatýlin «ineniń kózinen ótken». Sodan shyǵar, byltyr «Qazaqstannyń damý banki» Nyǵmatýlinderge qatysy bar «Jańa Jambyl fosfor zaýytyna» jyldyq 6,5 paiyzben 14,7 mln dollar nesie bergeni málim boldy.
Demek, sońǵy jyldary «jep qalý» pozitsiiasyna Nyǵmatýlinniń uldary – Nurhan men Nurlan Nurlanovtar shyqty degen sóz. Iaǵni, aqshany qaidan jáne qalai sýyryp alýǵa qaýqary jetetin múmkindigi men qyzmettik jaǵdaiyn barynsha paidalanǵany baiqalady. Árine, bul isterdiń tý basynda Nurlan Nyǵmatýlinniń ózi turǵany aidan anyq.
Joǵaryda kásipkerlerdiń múddesin qorǵap júrgen Talǵat Aqýovtyń beinejoldaýy prezidenttiń qulaǵyna jetip, Nyǵmatýlinderge qarsy qozǵalǵan isti qatań qadaǵalaýǵa tapsyrma berse, sondai-aq Sybailas jemqorlyqqa qarsy agenttik bul áýlettiń reiderlik jolmen biznes sýbektilerin tartyp alǵany bylai tursyn, onyń ielerin jazyqsyz sottatyp jibergenin qaitadan jan-jaqty tekserýi kerek. Qazaqta «Kóp asqanǵa – bir tosqan» degen bar.
Dál osy aitylǵan támsildiń mán-maǵynasyn «ómir boiy degenim bolady, osy eldiń aqshasyna shalqyp júremin» dep kelte oilaǵan qanshama eks-sheneýnik endi ǵana túsinip jatqan bolar, sirá?!
