«Tańbaly» qoryq-mýzeiinde QazUÝ-diń filialy ashyldy
Tańbaly qoryq-murajaiy Almaty qalasynyń 170 km soltústik-batysynda, Jambyl aýdanyna qarasty Qarabastaý aýylynyń mańynda ornalasqan. IýNESKO-nyń qorǵaýyndaǵy tarihi nysanda ár túrli ýaqyt aralyǵyn qamtityn úsh myńǵa jýyq petroglifterdi quraityn júzden astam eskertkishter bar.
Arheolog, etnolog, mýzeitanýshy mamandar daiarlaýda murajai men ál-Farabi atyndaǵy Qazaq ulttyq ýniversiteti birlesip atqaratyn jumystarynyń mańyzy zor. Bolashaq arheologiia, etnolog mamandarynyń bilimderin jetildirip, naqty óndiristik is-tájiribe alý úshin murajai bazasynda ózekti taqyryptar boiynsha seminarlar, konferentsiialar, ǵylymi-zertteý jobalary, sheberlikti shyńdaý sabaqtary, treningter ótkizý siiaqty ǵylymi-tájiribelik is-sharalar júzege asyrylatyn bolady.
«Tańbaly» qoryq-murajaiynda ashylǵan arheologiia, etnologiia jáne mýzeologiia kafedrasynyń filialy qily dáýirlerdegi arheologiialyq eskertkishterge birlesken ǵylymi-zertteýler júrgizý, Tańbaly shatqalynyń petroglifterin zertteý, jartas sýretteriniń tarihi-mádeni jáne paleoekologiialyq maǵynaly mátinin qaita qurý jumystarymen ainalysady.
