Tamyzda áleýmettik mańyzy bar azyq-túlik ónimderi baǵasy tómendedi, dep habarlaidy dalanews.kz.
Sońǵy aptanyń qorytyndysy boiynsha áleýmettik mańyzy bar azyq-túlik taýarlarynyń (ÁMAT) indeksi 100,0%-dy qurady. Tamyz aiynyń basynan beri baǵalar 0,2%-ǵa tómendedi. Jyl basynan beri indeks 101,4%-dy qurady, al ótken jyldyń sáikes kezeńinde bul kórsetkish 107,9% bolǵan.
Osylaisha, jyl basynan beri ÁMAT baǵasynyń ósýi eń tómen deńgeide qalyp otyr jáne ótken jylǵy kórsetkishten 5 eseden astam tómen. Qazirgi oń dinamikaǵa jańa ónimniń maýsymdyq túsýi yqpal etýde. Kókónis ónimderi baǵasynyń tómendeýi jalpy indeksti turaqtandyryp, jekelegen taýarlar boiynsha baǵanyń ósýin óteýge múmkindik berip otyr.
ÁMAT boiynsha oń dinamika azyq-túlik infliatsiiasynan da kórinedi. Jyldyq mánde onyń deńgeii ótken jylǵy jeltoqsandaǵy 13,5%-dan shilde qorytyndysy boiynsha 10,1%-ǵa deiin tómendedi. Bul rette jumys maýsymdyq sharalarmen ǵana shektelmeidi. Negizgi nazar ónimderdiń túpkilikti qunyna tikelei áser etetin faktorlarǵa: deldaldarǵa, naryqtarǵa, kólik shyǵyndaryna jáne óndirýshilerdiń bosatý baǵalaryna aýdarylǵan.
Premer-Ministrdiń orynbasary – ulttyq ekonomika ministri Serik Jumanǵarinniń tapsyrmasy boiynsha óńirlerde azyq-túlik naryqtaryna zertteý júrgizilýde. Jetkizý tizbekteri, jaldaý sharttary jáne túpkilikti baǵanyń qalyptasýy taldanady. Artyq deldaldardy anyqtaýǵa erekshe nazar aýdarylýda.
Kólik shyǵyndaryn tómendetý maqsatynda azyq-túlik ónimderin temirjol arqyly tasymaldaýǵa jeńildikti tarif qoldanylady. Búgingi tańda ony 50-den astam kompaniia paidalandy, 38 myń tonna ónim tasymaldandy.
Otandyq óndirýshilermen jumys jalǵasýda. ÁMAT óndirýshileri úshin elektr energiiasyna tarifti 20%-ǵa tómendetý kózdelgen. Qoldaý bosatý baǵalaryn ustap turý boiynsha qarsy mindettemeler qabyldanǵan jaǵdaida kórsetiledi. Sonymen qatar turaqtandyrý qorlarynyń jumys isteý tetigi qaita qaralýda. Tásil ónimdi jai ǵana satyp alýǵa jáne bólingen qarajatty igerýge emes, naqty nátijeni – onyń baǵaǵa áserin baǵalaýǵa baǵyttalatyn bolady.
Osy maqsatta turaqtandyrý tetikteri naqty taýar men óńirdegi jaǵdaiǵa qarai nysanaly túrde qoldanylatyn bolady. Sondai-aq ónim qozǵalysynyń qadaǵalanýyn jáne SPK arqyly baǵyttalatyn qarajattyń tiimdiligine baqylaýdy kúsheitý josparlanyp otyr. Jyl sońyna deiingi jumys qol jetkizilgen oń dinamikany saqtaýǵa, azyq-túlik ónimderiniń jetkilikti kólemin qamtamasyz etýge jáne baǵanyń negizsiz ósýine jol bermeýge baǵyttalady.
