2025 jylǵy 13 tamyzda Astanada Qazaqstan Respýblikasy Oqý-aǵartý ministrligi men Ybyrai Altynsarin atyndaǵy Ulttyq bilim akademiiasynyń uiymdastyrýymen respýblikalyq Tamyz konferentsiiasy aiasynda «Keleshek mektepteri: strategiialyq maqsattar men naqty nátijeleri» taqyrybynda №3 paneldik sektsiia ótti,- dep habarlaidy Dalanews.kz
Paneldik sektsiianyń negizgi maqsaty – «Keleshek mektebi» tujyrymdamasyn talqylaý jáne mektepterdiń damý perspektivalaryn aiqyndaý boldy. Is-sharaǵa Y. Altynsarin atyndaǵy Ulttyq bilim akademiiasynyń ǵylym jónindegi vitse-prezidenti Anar Tanirbergenova; «Arnaiy jáne inkliýzivti bilim berýdi damytýdyń Ulttyq ǵylymi-praktikalyq ortalyǵy» direktory Laýra Býtabaeva; Orta bilim mazmuny institýtynyń direktory Seifolla Smailov; sondai-aq Ulttyq bilim akademiiasynyń kásiptik baǵdar berý jáne adami kapitaldy damytý ortalyǵy, Eńbek resýrstaryn damytý ortalyǵynyń ókilderi men «Keleshek mektebi» basshylary qatysty.
Is-shara barysynda «Keleshek mektebi» tujyrymdamasyn júzege asyrý aiasynda úlgilik oqý baǵdarlamalary tiimdiliginiń monitoringi (mindetteri, kezeńderi, qatysýshylary jáne olardyń qyzmetteri), Qazaqstanda inkliýzivti bilim berýdiń negizgi aspektilerin damytý, sondai-aq «Maman» baǵdarlamasy aiasyndaǵy kásiptik baǵdar berý jumysynyń modelin «Keleshek mektepteri» bazasynda aprobatsiialaý siiaqty strategiialyq mańyzy bar máseleler talqylandy. Qatysýshylar fasilitatsiialyq sessiialarǵa qatysyp, toptyq jumys formatynda tehnologiialyq kartamen jumys jasady.
«Inkliýzivti bilim berýdiń basty maqsaty – árbir balanyń sapaly ári qoljetimdi bilim alýyna jaǵdai jasaý. Biz erekshe bilim berý qajettiligi bar balalarǵa qoldaý kórsetip, olardyń áleýetin tolyq ashýǵa kúsh salýymyz kerek», – dedi Arnaiy jáne inkliýzivti bilim berýdi damytýdyń Ulttyq ǵylymi-praktikalyq ortalyǵynyń direktory Laýra Býtabaeva.
Sondai-aq ortalyq basshysy inkliýzivti bilim berýdiń negizgi aspektileri men inkliýzivti mádenietti qalyptastyrý faktorlaryn, saladaǵy ózekti máseleler men táýekelderdi atap ótip, olardy sheshý joldaryn usyndy. Budan bólek, Y. Altynsarin atyndaǵy Ulttyq bilim akademiiasy zertteýleri negizinde ázirlengen Qazaqstandaǵy inkliýzivti bilim berýdi damytý platformasy týraly aitty. Joba BR21882231 «Kontseptýalnaia model obespecheniia inkliýzivnosti i dostýpnosti v sisteme obrazovaniia Kazahstana» baǵdarlamalyq-nysanaly qarjylandyrý aiasynda iske asyrylǵan.
Sektsiia qorytyndysynda qatysýshylar mektepterdi damytýǵa baǵyttalǵan usynystar men bastamalardy qarastyryp, Qazaqstannyń orta bilim berý júiesin jańǵyrtý jáne inkliýzivti oqytý tájiribesin keńeitý boiynsha pikir almasty.
Is-shara bilim berý salasynda qoljetimdilikti jáne sapany arttyrýǵa, álemniń ozyq tájiribelerimen almasýǵa, sondai-aq qazaqstandyq mektepterdiń básekege qabilettiligin nyǵaitýǵa baǵyttalǵan mańyzdy qadam boldy.
