Oqytý «Beyond Curriculum» qoǵamdyq qorynyń onlain-mektebi bazasynda ótýde.⠀
– Kishkentai kezimnen bastap meni qurastyrý ideiasy qyzyqtyrdy, sondyqtan Nazarbaev Ziiatkerlik mektebiniń qabyrǵasynda robototehnika úiirmesine jazyldym. Bizdiń jobalarymyz halyqaralyq arenada, Dúniejúzilik WRO robottar olimpiadasynda usynylady dep tipti elestete almadym. Jeńister az bolǵan joq, endi men robototehnikany oqyǵysy
keletinderdiń barlyǵyna kómektesý úshin jańa maqsat qoiyp otyrmyn, – deidi Daniil.⠀
Daniil Filimonov – World Robot Olympiad 2019 halyqaralyq kezeńinde «Open Senior» sanatynda úshinshi oryn, sondai-aq robototehnika boiynsha respýblikalyq olimpiadanyń altyn medaldarynyń (2018, 2019), ǵaryshtyq zertteýler boiynsha halyqaralyq jarystyń birinshi dárejeli diplomynyń (2019), «Ǵarysh. Ǵylym. Intellekt» Naýryz kezdesýleriniń ekinshi dárejeli diplomynyń (2019) iegeri. ⠀
Daniil óz tobymen birge robototehnika boiynsha 10-nan astam tegin onlain kýrstaryn, 25 saǵattyq sabaqtardy, 6 vebinardy ázirledi, sondai-aq, Kornell jáne Michigan ýniversitetteriniń júzdegen qosymsha materialdaryn daiyndady.⠀
Oqytý kez-kelgen daiyndyq deńgeii bar qatysýshylarǵa arnalǵan: robototehnika negizderinen bastap neirondyq jelilerge deiin, praktikada quraldarmen jumys isteý úshin, tipti oqytýshylarǵa arnalǵan materialdardy da qamtidy. Sondai-aq, platformada progresti baqylaýǵa arnalǵan úi tapsyrmalary men testter bar. Materialdar qazaq jáne orys tilderinde de qoljetimdi.⠀
Kýrs negizin qalaýshy Anton Morgýnov bolyp tabylatyn «Beyond Curriculum» qoǵamdyq qorynyń qoldaýymen quryldy. Anton – Taldyqorǵan qalasyndaǵy Nazarbaev Ziiatkerlik mektebiniń 2017 jylǵy túlegi, himiia páninen halyqaralyq jáne respýblikalyq olimpiadalardyń birneshe dúrkin jeńimpazy jáne júldegeri, búginde MIT (Massachýsets tehnologiialyq institýty) Himiia jáne biologiia fakýltetiniń stýdenti.⠀
Beyond Curriculum – matematika, fizika, himiia, biologiia, geografiia pánderinen tegin bilim alýǵa múmkindik beretin bilim berý platformasy.⠀
– Bizdiń komanda «Beyond Robotics» tegin jobasynyń kómegimen robototehnikaǵa qosylǵysy keletinderdiń barlyǵyna múmkindik berýdi kózdeidi. Qazirgi ýaqytta 100-den astam oqýshy bilim alýda, sen de qosyl. Robottar álemine qosh keldińizder!, – dep «Beyond Curriculum» qoǵamdyq qory «Robototehnika» bóliminiń basshysy Daniil Filimonov qosylýǵa shaqyrdy.⠀
«Beyond Robotics» boiynsha oqýdy bastaý úshin onlain-mektepte tirkelý jetkilikti https://school.bc-pf.org/ jáne siltemege ótip, katalogtan Robototehnika https://robotics.bc-pf.org/ kýrsyn qosý qajet.
