Saýda ministrligi azamattardy 6,5 million teńgege aldaǵan koýchty Taldyqorǵan sotynda jeńdi, dep habarlaidy Dalanews.kz.
Taldyqorǵanda memlekettik satyp alý kýrsyna qatysty shýly is sońyna jetti. Sot isti tender arqyly qomaqty aqsha tabýdy úirenemin dep, qarjysynan airylylǵan tutynýshylardyń paidasyna sheshti.
Is Juldyz Idirisovanyń Jetisý oblysy Saýda jáne tutynýshylardyń quqyǵyn qorǵaý departamentine sapasyz kýrsqa shaǵymdanýynan bastaldy. Oqiǵamen tanysqan tepartment mamandary ótken jyly bul týraly áleýmettik jelilerdehabarlap, azamattardy qabyldaý ótkizdi. Artynsha taǵy da osy koýchtyń jumysyna shaǵymdanǵan 8 azamattyń shaǵymyn qabyldady.
Departament júrgizgen jumys nátijesinde kásipker koýtyń salyq kodeksin elemei, resmi kelisim-shart jasaspaǵany, tólem kezinde fiskaldy chek bermegeni belgili boldy. Koých ýáde etilgen 1 ailyq kýrstyń 3-4 dárisin ótkizip, oqý protsessin toqtatqan. Bul QR «Tutynýshylardyń quqyǵyn qorǵaý» zańynyń 13 babyn óreskel buzý bolyp sanaldy. Saldarynan azamattar oqýdan da, qarjydan da qaǵylǵan. Oqýshylar arasynda tenderden tez aqsha tabýǵa úmittenip, nesie rásimdegender de bar.
«Departament tutynýshylarǵa kásipker atyna sotqa deiingi talap joldaýda quqyqtyqtyq kómek kórsetti. Oǵan kásipker 10 jumys kúni ishinde jaýap berýge mindetti. Alaila kásipker jaýap bermei, departamen jeke kásipkerge qatysty jospardan tys tekseris ashty», - dedi Departament basshysy Aidos Dáýeshov.
Tekseris barysynda sapasyz qyzmetten zardap shekkenderdiń sany 18 adamǵa deiin artyp, Jetisý oblysynyń turǵyndarynan bólek Almaty, Qostanai oblystary men Astana qalasynyń tutynýshylary da shaǵymdandy. Nátijesinde jalpy shyǵyn kólemi 6 593 000 teńgege deiin artty. Departament 10-nan astam tutynýshynyń zańdy múddelerin qorǵaý maqsatynda Taldyqorǵan qalasy sotyna talap aryz joldandy.
Sot protsesi barysynda kásipker koých úsh tutynýshyǵa 850 000 teńgeden tolyq kólemde, eki tutynýshyǵa 450 000 teńgeden bólip tólendi. Alaida sot talaptardy tolyq kólemde qanaǵattandyrý týraly sheshim qabyldap, barlyq qatysýshynyń múddesin qorǵady.
QR SIM tutynýshylardyń quqyqtaryn qorǵaý komitetine 2024 jyly bilim salasyndaǵy qyzmetterge qatysty 877 shaǵym tústi. Negizinen tutynýshylar sapasyz kýrstar, oqytýshylardyń tómen biliktiligi, oqý kýrstaryna aqsha qaitarýdan bas tartý máselelerine shaǵymdanǵan.
Tutynýshylardyń quqyǵyn qorǵaý komiteti mundai «ońai baiý» kýrstary shyǵynǵa ákepetinin eskertedi. Sondyqtan sarapshy trenerler týraly aqparatty muqiiat tekser, mindetti túrde resmi kelisim-shart jasasý jáne fiskaldy chekterdi talap etý qajet. Kúmándi jaǵdailarda quqyqtaryńyzdy qorǵaý úshin ýákiletti organdarǵa júginýge bolady.
