«Shardja – Taldyqorǵan» baǵytyndaǵy aviaqatynasty elimizdiń aviakompaniialarynyń biri júzege asyrady. Almaty oblysy ortalyǵynyń əýejaiy kúsheitilgen qaýipsizdik sharalaryn qabyldaýda. Əýe qatynasynyń qyzmetkerleri obaǵa qarsy kostiýmdermen qamtamasyz etiledi. Jolaýshylardyń barlyǵy bortta birden sanitarlyq dərigerlerdiń tyńǵylyqty tekserýinen ótip, olardyń dene qyzýlary teplovizorlarmen ólshenedi.
– Kelgen jolaýshylarmen neǵurlym az bailanys jasaýdy qamtamasyz etetin algoritm daiyndaldy. Almaty oblysy əkiminiń tapsyrmasyna səikes əýejai qyzmetkerleriniń, sanitarlyq dərigerlerdiń jəne osy operatsiiaǵa tartylǵan basqa da azamattardyń əreketteriniń ər qadamy hattalyp, erekshe baqylanatyn bolady.
Otanyna oralǵan qazaqstandyqtar avtobýstarǵa otyrǵyzylyp, karantinge jatqyzylatyn orynǵa jetkiziledi. Olardyń bəri koronavirýs infektsiiasyna analiz tapsyrady. Jolaýshylardyń barlyq júgi men jeke zattary dezinfektsiialaý quraldarymen óńdeledi. Kelgen azamattardyń karantindik rejimdi saqtaýyn quqyq qorǵaý organdary baqylaityn bolady, – dep túsindirdi oblys əkiminiń baspasóz qyzmetinde.
"Bular sol jaqta turyp, jumys istegen nemese túrli jaǵdailarǵa bailanysty sol jaqta qalyp qoiǵan bizdiń azamattarymyz. Bul reistiń qonýy men ony qabyldaý Respýblikalyq shtabpen kelisilgen jəne ony oryndaý, kelgen jolaýshylar men oblys turǵyndarynyń qaýipsizdigin qamtamasyz etý - bizdiń azamattyq paryzymyz" – dep qorytyndylady vedomstvoda.
Karantin ýaqyty bitkennen keiin jolaýshylar turǵylyqty jerlerine jóneltiledi.
Almaty oblysy ákiminiń baspasóz qyzmeti
