“Koronavirýs densaýlyq saqtaý salasy úshin úlken synaq boldy. Álemdi jailaǵan indettiń beti áli qaitar emes. Kún saiyn myńdaǵan azamatymyz dertke shaldyǵyp, talai adam ómirden ótýde. Qazaqstan koronavirýsqa qarsy vaktsina jasap shyǵarǵan álemdegi sanaýly memlekettiń biri. Qazir QazVac basqa elderde de suransqa ie.
Vaktsina qory jetkilikti. Azamattarymyzdyń tańdaý múmkindigi bar.
Elimizde jappai ekpe salý júrip jatqanymen, qoǵamda oǵan qarsy adamdar áli de kóp. Olar ózderi ǵana bas tartyp qoimai, halyqty keri úgitteýde. Sonyń kesirinen qanshama jurtty adastyrýda. Mundai adamdar óziniń ǵana emes, ózgeniń ómiri úshin de jaýap beretinin túsinýi tiis.
Sondyqtan ekpe alýǵa qarsy bolyp júrgenderdiń jeteginde ketpegen jón”, – deidi memleket basshysy.
Onyń aitýynsha, adamzat kóptegen indetti, tek vaktsinanyń kómegimen jeńgen. Vaktsina paida bolǵannan keiin ǵana qaýipti dertterge tosqaýyl qoiylǵanyn umytpaýymyz kerek.
“Aldaǵy ýaqytta koronavirýstyń jańa shtammdary paida bolýy múmkin. Buny sarapshylar aitýda. Biz onyń qashan bolatynyn kútip otyra almaimyz. Osyndai jaǵdaida odan ári damýǵa beiimdelýimiz kerek.
Qazirgi tańda dúniejúzilik densaýlyq saqtaý uiymynda tirkelgen búkil vaktsinalardy tezirek satyp alýymyz kerek. Densaýlyq saqtaý salasyn turaqty ekpe alýǵa daiyndaǵan jón.
Elimizdiń biologiialyq qaýipsizdigin boljaýmen ainalysatyn ulttyq júie qurýymyz kerek. Bul shara tiisti zań jobasynda qarastyrylǵan. Parlamentten osy zań jobasyn sessiianyń sońyna deiin qabyldaýdy suraimyn”, – deidi prezident.
Sondai-aq memleket basshysy kóptegen zerthananyń halyqaralyq standartqa sai emes ekenin aitty.
“Sol sebepti “Deni saý ult” jobasy boiynsha keminde 12 zerthanany tehnologiialyq quraldarmen jańalaýymyz kerek. Meditsina salasyna qomaqty qarjy quiylýy tiis. Farmatsevtika ónerkásibine erekshe kóńil bólý qajet.
Koronavirýs kezinde dál osy sala memleketimizdiń qaýipsizdigi úshin mańyzdy ekenine kózimizdi jetkizdi. Sondyqtan meditsina ónimderin zerthanalyq jáne tehnikalyq synaqtan ótkizetin ortalyq qurýymyz kerek. Bizdegi dári-dármek pen meditsinalyq ónimniń 17 paiyzy ǵana otandyq ónim. 2025 jyly ony 50 paiyzǵa jetkizý qajet”, – deidi Toqaev.
