Elordada alǵashqy iri kreativti hab óz jumysyn bastady. Shyǵarmashylyq keńistik Memleket basshysynyń tapsyrmasymen ashyldy.
Qasym-Jomart Toqaev Ulttyq quryltaidyń úshinshi otyrysynda bul sala elimizdiń ekonomikasyn órkendetýge tyń serpin beretinine senim bildirgen edi.
Kreativti habtyń ashylý saltanatyna Qazaqstan Respýblikasynyń Mádeniet jáne aqparat ministri Aida Balaeva, Qazaqstan Respýblikasy Parlamenti Senatynyń depýtaty Andrei Lýkin men Astana qalasynyń ákimi Jeńis Qasymbek qatysty. Qonaqtar sándik-qoldanbaly óner sheberlerimen tanysyp, ulttyq bolmysty saqtaýda qazaqtyń dástúrli oiý-órnegin qasterlep-nasihattaýdyń mańyzy zor ekenin aitty.
Aýdany 1,5 myń sharshy metrdi quraityn úsh qabatty ǵimarat netvorking jasap, kreativti indýstriia jobalaryn júzege asyrý alańyna ainalmaq. Hab birneshe baǵyttaǵy aimaqtarǵa bólingen.
Atap aitqanda, kitap dúkeni men otandyq baspalardyń ónimderine arnalǵan oqý zaly, etno-murajai, qolóner sheberhanalary, zamanaýi óner qoiylymdary, mýzykalyq jáne ádebi keshter alańy, sonymen qatar «Smart nomad games» jobasy men zamanaýi óner galereiasy bar.
Osyndai habtardy Qazaqstannyń barlyq aimaǵynda ashý josparlanýda. Olar shyǵarmashylyq jobalardy iske asyrýǵa jáne kommertsiialandyrýǵa, sondai-aq shyǵarmashylyq naryqqa júzdegen maman qosýǵa yqpal etedi.
QR Mádeniet jáne aqparat ministrliginiń baspasóz qyzmeti
