Turǵyndar shegirtke shabýylyna toıtarys bere almaýda. Traktorshy Idıbek Abdýlloev bir aıdan beri egistikke jándikterdi óltiretin hımıalyq zat seýip keledi.
– Shegirtkeler tańerteń erte ushyp keledi. Biz zıankesterdi óltirip jatyrmyz, azaıatyn túri kórinbeıdi. Omarkazok eldi mekeninde olar qaptap júretin. Taǵy birneshe traktorshy basqa aýmaqtarda jumys istep jatyr. Traktor júre alatyn jerlerdiń bárine hımıalyq zat seýip shyqtyq, – deıdi ol.
Turǵyndar shegirtke kórshiles Vaksh aýdanynan ushyp kelip jatqanyna shaǵymdandy. Atalmysh aýdan zıankestermen kúrespeıtinine turǵyndar shaǵymdanýda. Qazirdiń ózinde shegirtke ondaǵan gektar jaıylymdy búldirgen.
– Úı janýarlary bizge sút, et pen maı beredi. Jaıylymdy shegirtke jep ketse, janýarlar ashyǵady. Olar mal sharýashylyǵyna da kesirin tıgizip jatyr, – deıdi turǵyndar.
Hatlon oblysyndaǵy egistik pen jaıylym buǵan deıin de shegirtke shabýylyna ushyraǵan. Byltyr jándikter kókónis alqabyn búldirgen.
