Atyraý qalasynyń turǵyny Aqmaral Úmbetqalıeva burynǵy kúıeýi, oǵan qosa qazir Atyraý oblysy Maqat aýdanynyń ákimi qyzmetin atqaryp júrgen Rınat Ibragımovqa qatysty málimdeme jasady. Onyń sózinshe, burynǵy kúıeýi 11 jyl boıy uryp-soqqan, balalaryn tartyp alǵan, - dep habarlaıdy Dalanews.kz.
Atyraý oblysynyń ákimdigi málimetinshe, aýdan ákimine qatysty qyzmettik tekseris júrgiziledi.
"Maqat aýdany ákiminiń burynǵy jubaıynyń ótinishine qatysty azamat A.Úmbetqalıeva Atyraý oblysynyń ákimdigine júginbegenin habarlaımyz. Mán-jaıǵa baılanysty qyzmettik tekseris taǵaıyndaldy", - dedi vedomstvo ókilderi.
Aqmaral Úmbetqalıeva buǵan deıin áleýmettik jelide burynǵy kúıeýi aıaýsyz soqqyǵa jyqqanyn, tipti balalarynyń kózinshe "múgedek etemin" dep tepkilegenin aıtqan bolatyn.
