تاعى ءبىر "بيشىمبايەۆ" پا؟ اۋدان اكىمىنىڭ بۇرىنعى ايەلى 11 جىل بويى ءزابىر كورىپ جۇرگەن

كوركەم الدابەرگەنوۆا 17 مام. 2024 15:32 5157

اتىراۋ قالاسىنىڭ تۇرعىنى اقمارال ۇمبەتقالييەۆا بۇرىنعى كۇيەۋى، وعان قوسا ءقازىر اتىراۋ وبلىسى ماقات اۋدانىنىڭ اكىمى قىزمەتىن اتقارىپ جۇرگەن رينات يبراگيموۆقا قاتىستى مالىمدەمە جاسادى. ونىڭ سوزىنشە، بۇرىنعى كۇيەۋى 11 جىل بويى ۇرىپ-سوققان، بالالارىن تارتىپ العان، - دەپ حابارلايدى Dalanews.kz

اتىراۋ وبلىسىنىڭ اكىمدىگى مالىمەتىنشە، اۋدان اكىمىنە قاتىستى قىزمەتتىك تەكسەرىس جۇرگىزىلەدى.

"ماقات اۋدانى اكىمىنىڭ بۇرىنعى جۇبايىنىڭ وتىنىشىنە قاتىستى ازامات ا.ۇمبەتقالييەۆا اتىراۋ وبلىسىنىڭ اكىمدىگىنە جۇگىنبەگەنىن حابارلايمىز. ءمان-جايعا بايلانىستى قىزمەتتىك تەكسەرىس تاعايىندالدى"، - دەدى ۆەدومستۆو وكىلدەرى.

اقمارال ۇمبەتقالييەۆا بۇعان دەيىن الەۋمەتتىك جەلىدە بۇرىنعى كۇيەۋى اياۋسىز سوققىعا جىققانىن، ءتىپتى بالالارىنىڭ كوزىنشە "مۇگەدەك ەتەمىن" دەپ تەپكىلەگەنىن ايتقان بولاتىن.


ۇسىنىلعان
سوڭعى جاڭالىقتار