Alaiaqtar halyq ártisi, ánshi Maqpal Júnisovanyń WhatsApp-nómirin buzyp, onyń atynan jalǵan silteme tarata bastaǵan, - dep habarlaidy Dalanews.kz.
Bul týraly ánshi áleýmettik jelidegi paraqshasynda aitty.
"Qurmetti, halaiyq! Meniń oqyrmandarym, eshkimge senbeńizder. Eshkimge daýys bermeńizder. Meniń telefonym buzylyp, WhatsApp akkaýntym istemei qaldy. Daýys ber dedi, daýys berip edim, telefonym istemei qaldy. Aqsha qaǵyp alǵan. Sumdyq qoi. Mynadailardy tabý kerek qoi. Sottasyp júrýge de ýaqyt joq. Maǵan daýys kerek bolsa aitamyn ǵoi.
Eshkimge senbeńizder. Men daýys berýdi suraityndai konkýrsqa qatysyp jatqan jas ánshi emespin. Alaiaqtar tabylsańdar, bastaryńdy jaramyn!" – dedi halyq ártisi.
Aita keteiik, buǵan deiin Roza Rymbaeva da alaiaqtyń qurbany boldy.
2023 jyly 20 jeltoqsanda sotta S.Bekqaiyrovqa qatysty QK-niń 190-babynyń 4-bóliginiń 2-tarmaǵyna sáikes qylmystyq is qozǵaldy. Bul jaisyz oqiǵa 2013 jyly bastaý alǵan.
2017 jyly Bekqaiyrov tanystary arqyly Roza Rymbaeva 400 myń dollarǵa páterin satyp jatqanyn biledi. Alaiaq óner iesine habarlasyp, kezdesý uiymdastyrǵan.
"Kezdesý barysynda ol páterdi satýǵa kóndiredi. Biraq aqshasyn keiinirek beretinin aitady. Notariýspen satyp alý-satý shartyn jasasqan Bekqaiyrov Rymbaevaǵa 195 myń dollar tabystaidy. Alaida qalǵan qarajatyn qaitarmaidy. Osylaisha alaiaq Rymbaevaǵa 69 427 350 teńge materialdyq shyǵyn keltirgen", - dep jazylǵan edi málimette.
