Zardap shekken kóliktiń ıesi de qarapaıym qatardaǵy azamat emes, elge tanymal tulǵa, anyǵyn aıtsaq, ol – «Azıa» tobynyń ánshisi Renat Basıtov.
Vıdeorolıkte Sıvıdiń «Ol kadrlardy nege alasyń? Men saǵan aıttym ǵoı úsh balam bar dep…» degen sózderi anyq estiledi. Ánshiniń ashýyna sonshalyqty tıgen qandaı kadrlar ekenin bilý maqsatynda Renat Basıtovtyń ózine habarlastyq. Sóıtsek, ekeýara urys «Soqyr mahabbat» degen fılmniń tóńireginde tutanǵan eken. Qos ánshi atalǵan kartınanyń basty rolin somdaǵanyn aıta ketý kerek.
«Fılmde Sıvıdiń qatysýymen ótken ıntımdi kadrlar bar bolatyn. Sol kadrlardy fılmge nege salasyńdar dep kóligime zaqym keltirgeni ras. Biraq, ishki ister organdaryna shaǵym jazǵanym joq, erkek basymmen munym uıat bolady dep sheshtim. Onyń ústine, sý jańa kólikti osydan úsh kún buryn Sıvıdiń kúıeýi syılaǵan»
– deıdi R.Basıtov.
Aıta keteıik, «Soqyr mahabbat» fılminiń premerasy otandyq kınoteatrlarda 6 sáýir kúni bastalady.
https://www.youtube.com/watch?v=f580qssx3Bw
