Premer-mınıstrdiń orynbasary – ulttyq ekonomıka mınıstri Serik Jumanǵarınniń tóraǵalyǵymen ótken Syrtqy saýda saıasaty jáne halyqaralyq ekonomıkalyq uıymdarǵa qatysý jónindegi vedomstvoaralyq komısıanyń (VAK) otyrysynda sıyr eti eksportyna kvota engizý týraly sheshim qabyldandy,- dep habarlaıdy Dalanews.kz.
"İshki naryqtaǵy baǵanyń ósýin tejeý jáne halyqty iri qara etimen jetkilikti kólemde qamtamasyz etý maqsatynda sıyr etin eksporttaýǵa ýaqytsha shekteý engiziledi. Tıisti buıryq Aýyl sharýashylyǵy mınıstrligi tarapynan qabyldanady", - dep jazylǵan habarlamada.
Sondaı-aq, jıynda Qazaqstannan avtokólik jáne temirjol kóligi arqyly benzın, dızel otyny jáne munaı ónimderiniń jekelegen túrlerin áketýge tyıym salýdy uzartý týraly sheshim qabyldandy. Bul shara ishki naryqty úzdiksiz qamtamasyz etýge baǵyttalǵan.
Sonymen qatar, 2026 jylǵy qańtardan bastap jeńil dıstılláttardy, avıasıalyq kerosındi, dızel otynyn, tolýoldy, ksıloldy jáne munaı bıtýmyn EAEO kedendik aýmaǵynan tysqary shyǵarýǵa tyıym salý alty aıǵa uzartylady.
