Elimizde tsifrly tehnologiialardy damytý maqsatynda uiymdastyrylǵan Digital Bridge halyqaralyq forýymynda QR Tsifrlyq damý, innovatsiialar jáne aeroǵarysh ónerkásibi ministrligi men Huawei Technologies Kazakhstan kompaniiasy ózara túsinistik týraly Memorandýmǵa qol qoidy. Ortaq kelisim boiynsha taraptar Qazaqstanda Tsifrlyq hab qurýǵa kelisti, – dep habarlaidy Dalanews.kz.
Memorandýmǵa qol qoiǵandaǵy basty maqsat – elimizdegi aqparattyq-kommýnikatsiialyq infraqurylym (AKT) salasy men elimiz úshin mańyzdy indýstriia salasynda innovatsiialyq sheshimder men tehnologiialardy engizý jáne otandyq biznestiń halyqaralyq básekege qabilettiligin arttyrýdy kózdeidi.
Memorandýmda yntymaqtastyń basty baǵyttarynyń biri retinde Qazaqstanda aldyńǵy qatarly tsifrlyq sheshimderdi engizip, AKT salasyn damytý belgilendi. Osy kelisimge sai aldaǵy ýaqytta elimizde keńjolaqty jáne mobildi internettiń múmkindigin arttyrý jáne el aýmaǵynda 5G júiesin damytýǵa basa mán berilmekshi. Budan basqa qujatta innovatsiialyq tehnologiialar salasynda zertteýler men konsýltativti qoldaýlar kórsetý, tájiribe almasý, arnaiy mamandardyń tsifrly saladaǵy biliktiligin kóterý isi de qamtylǵan.
QR Tsifrlyq damý, innovatsiialar jáne aeroǵarysh ónerkásibi ministrligi men Huawei Technologies Kazakhstan kompaniiasy memorandým aiasynda qurylatyn Tsifrly habtyń múmkindigin paidalanyp, AKT salasyndaǵy talanttardyń óz múmkindigin kórsetýge jol ashyp otyr. Bul rette Huawei kompaniiasynyń is-tájiribesi men resýrstaryn paidalanyp, Qazaqstan Respýblikasynyń AKT salasyndaǵy ǵylymi-tehnikalyq áleýetin arttyrý josparlanýda. Bul úshin taraptar elimizdegi talantty jastardyń AKT salasyndaǵy biliktiligin kóterý úshin arnaiy oqý kýrstary men seminarlar uiymdastyratyn bolady. Budan basqa memorandým aiasynda Qazaqstan Úkimetiniń aimaq boiynsha IT salasyn jetik meńgergen talanttardy tartý saiasatyn qoldai otyryp, AKT talanttary ortalyǵynyń jumysy tutastai Eýrazaiia keńistigin qamtymaq.
Búginde Qazaqstan Respýblikasynda tsifrly tehnologiiany damytý isiniń masshtaby kún ótken saiyn keńeiip, mańyzy artyp keledi. Huawei kompaniiasy osy úrdisti nazarǵa alyp, Qazaqstanda qolǵa alynǵan mańyzdy tsifrlyq jobalarǵa qoldaý kórsetip, onyń tabysty júzege asýyna múddeli bolyp otyr. Ózara yntymaqtastyqtyń aiasynda tsifrlandyrý salasyndaǵy jetistikter qalalyq infraqurylym nysandaryna, aýyl sharýashylyǵyna, konsýltativti qyzmet kórsetý salasyna engiziledi. Sonymen qatar AKT infraqurylymdaryna zamanaýi tsifrlyq sheshimderdi engizilýimen, tsifrlyq qyzmet sapasy arta túsetin bolady, – dedi Huawei Technologies Kazakhstan kompaniiasynyń Bas direktory Chjao Siýi myrza.
Qol qoiylǵan memorandým qazaqstandyq tsifrlyq ekojúieniń joǵary jyldamdyqty bailanys salasymen aradaǵy bailanysyn jandandyryp, jetildirýdi kózdeidi. Budan basqa turaqty bulttyq qyzmet pen keshendi óndiristik tizbekterdegi jumyspen qamtýdyń deńgeiin arttyratyn bolady.
Bul baǵyttaǵy yntymaqtastyqtardy keńeitý Qazaqstannyń ekonomikalyq ósimin, biznestiń halyqaralyq deńgeidegi básekelestigin jáne adam kapitaly deńgeiin arttyrýǵa septigin tigizbek. Osylaisha elimizdiń syrtqy jáne ishki naryqtaǵy pozitsiiasyn nyqtai túsedi.
