Barlyq damyǵan elde óndiris pen bıznes úshin kadrlardyń negizgi provaıderi tehnıkalyq jáne kásiptik bilim berý (TjKB) júıesi bolyp tabylady. Sondyqtan TjKB uıymdaryna halyqaralyq qaýymdastyqtyń tarapynan, onyń ishinde IýNESKO-nyń sheńberinde asa nazar aýdarylýda.
Osyǵan oraı elimiz álemniń damyǵan elderiniń elıtalyq klýbyna kirýi úshin adamı kapıtaldyń ósýi men básekege qabilettiligi boıynsha birqatar máselelerdi sheshý qajet. Osy rette tehnıkalyq jáne kásiptik bilim berýdi júıesin áleýmettik jáne ekonomıkalyq draıverdiń negizi retinde qarastyrýǵa bolady.
Árıne, bul baǵyttaǵy otandyq tehnıkalyq jáne kásiptik bilim berý júıesindegi kadrlar daıarlaýda aıtarlyqtaı jetistikter de bar. Degenmen de kadrlar daıarlaý júıesin halyqaralyq talaptarmen garmonızasıalaý úshin álide tıisti jumystar atqarýymyz kerek,onyń ishinde sıfrlandyrýǵa da aıyrqsha nazar aýdarýymyz kerek.
Memleket basshysy Qasym-Jomart Toqaevtyń Qazaqstan halqyna Joldaýynda da (2021 jylǵy 1 qyrkúıek) sıfrlandyrýdyń eńbek naryǵyndaǵy rólin zerdelep aıtty: «... Atap aıtqanda, Sıfrlandyrý jobasy aıasynda 100 myń bilikti IT – mamanyn daıarlaý kerek jóninde tapsyrma berildi...»
Tehnıkalyq jáne kásiptik bilim berý men oqytýdy jańǵyrtý prosesi sıfrlyq ekonomıka men sıfrlyq qoǵamǵa kóshýdiń jahandyq prosesterinen de týyndaýda. «Jas maman» jobasy aıasynda «qondyrǵylar parki» jańartylyp atqan 180 kolejdi jabdyqtaý eńbek naryǵynyń suranysyna saı, sondaı-aq aqparattyq júıelerge, avtomattandyrýǵa jáne sıfrlyqqa baǵyttalýda.
Óıtkeni álemdik ekonomıkadaǵy, qoǵamdaǵy úzdiksiz ózgerister jaǵdaıynda kadrlar daıarlaý júıesin únemi jańǵyrtyp otyrý qajet, dástúrli formattar eskirýde. Óz kezeginde, óndiristiń transformasıasy kadrlardyń kásibı daǵdylarynyń ózekti bolýyn, zamanaýı qurylǵylarda jumys jasaı alýyn únemi qajet etip turady.
«Talap» komersıalyq emes aksıonerlik qoǵamy taraptynan da tıisti jumystar júrgizilýde. Eger sıfrlyndanyrý baǵytyna toqtalatyn bolsaq, kolejderge akademıalyq derbestik berý arqyly bilim mazmunynyń eńbek naryǵynyń suranysyna saı ózgertetinin eskersek, bizdiń tarapymyzdan bilim baǵdarlamalaryn reestrge (elektrondy) ornalasýy qadaǵalanatyn bolady.
Qashyqtyqtan oqytý formatyna kóshýge baılanysty TjKB pedagogtary kóptegen qıyndyqtarǵa tap boldy. Sol sebepti pedagogterge IT baǵyt boıynsha jappaı oqytýdy uıymdastyryldy, 30 myń jýyq pedagogter biliktiligin arttyrdy. Qazirgi tańda da kolej pedagogteri bizdiń saıt arqyly onlaın rejımde kýrstan ótýde.
Sondaı-aq, Talap saıtynda TjKB mamandyqtary boıynsha beınesabaqtar, elektrondy oqýlyqtar men qosymsha materıaldar berilgen. Qazirgi ýaqytta katalogta 24 100 sıfrlyq resýrs boıynsha siltemeler usynylǵan, olardyń ishinde: 13 757 - beınesabaqtar; 4 005 – elektrondy oqýlyqtar, 6 338 – qosymsha materıaldar. Bizdiń saıttan júktep alýǵa bolady.
Jumysshy mamandyǵynyń mártebesin arttyrý jáne dáripteýge baǵyttalǵan WorldSkills Kazakhstan qozǵalysynyń aıasyndaǵy chempıonattarda da IT baǵyttaǵy quzyrettilikter boıynsha da saıystar ótkizýdemiz.
Jalpy kadr daıarlaýdy jaqsartý boıynsha, onyń ishinde IT quzyrettilikterdiń damýy boıynsha jumystardy jalǵastyratyn bolamyz.
Ábdimanap BEKTURǴANOV, "Talap" komersıalyq emes aksıonerlik qoǵamy prezıdenti
