Qaırat Satybaldy men Samat Ábishtiń anasy Svetlana Nazarbaevanyń aqtyq saparynan eksklúzıv kadrlar paıda boldy, - dep habarlaıdy Dalanews.kz.
Sýretter "BASE" YouTube-arnasynda paıda boldy. Kadrlarda Qaırat Satybaldy men Samat Ábish te baıqalady.
Derekkóz málimetinshe, Nursultan Nazarbaev nemere inilerinen tolyǵymen teris aınalyp, olardyń anasynyń jerleýine de kelmegen.
As Almatydaǵy qymbat meıramhanalardyń birinde ótken.
Asqa Nazarbaevtyń qyzdary da qatyspaǵan. Alaıda keıbir derekter boıynsha Darıǵa Nazarbaeva marqumnyń jerleý rásimine qatysqan bolýy múmkin.
Meıramhanada ótken asqa Nazarbaevtyń ápkesi Ánıpa Nazabaeva ǵana qatysqan.
Kadrda: Qaırat Satybaldy
Aıta keteıik, Svetlana Nazarbaeva - Nursultan Nazarbaevtyń marqum inisi Satybaldy Nazarbaevtyń áıeli bolǵan. Satybaldy Nazarbaev 34 jasynda jol apatynan qaza tapqan.
Eske salaıyq, Svetlana Nazarbaeva 22 qazanda 77 jasynda ómirden ótti. Ol fılolog, pedagogıka ǵylymdarynyń kandıdaty,"Dáýir" polıgrafıalyq baspa kesheniniń bas dırektory boldy.
Ashyq derekkóz málimetterine súıensek, Svetlana Nazarbaeva jyljymaıtyn múlikti jalǵa berýmen aınalysatyn "Interdızaın-AS" astanalyq kompanıasynyń da ıesi bolǵan.
