Tanymal qazaqstandyq aspaz Baga "Demalys" kóz jumdy. Aldyn ala boljamǵa sáikes, ol óz-ózine qol jumsaýy múmkin. Politseiler ázirge resmi aqparat taratqan joq, dep habarlaidy Dalanews.kz.
Qaiǵyly oqiǵa týraly qazaqstandyq rejisser Qanat Beisekeev áleýmettik jelidegi paraqshasynda málimdedi.
"Mine, osy ómirdi súrip kelesiń... Imandy bol, Baga "Demalys". Sen shynymen bárimizge mereke syiladyń", – dep jazdy Beisekeev.
Al bas aspazdyń paraqshasyndaǵy jazylýshylar oǵan jappai kóńil aityp jatyr. Álemjelidegi derekterge súiensek, bul sýitsid bolýy múmkin degen boljam bar.
Baga "Demalys" instagram paraqshasyndaǵy sońǵy jazbasyn 23 saǵat buryn jariialaǵan.
Aita keteiik, Baga "Demalys" - ataqty aspazshy. Kópshilikke túrli keshterdi, keitingterdi jáne úidegi keshki as mázirin uiymdastyrýshy retinde belgili. 6 shildede ol 28 jasqa aiaq basqan bolatyn. Týǵan kúni qarsańynda aspazshy óz ómirine bailanysty jazba jariialaǵan edi.
"Mine, 28 jasqa toldym! Men sharshadym. Buǵan deiin túrli tapsyrystarǵa, jobalarǵa, mahabbatqa jan-tánimmen berildim. Endi ózimdi qolǵa alyp, densaýlyq jaǵdaiym men psihologiiama mán bergim keledi", - dep jazdy ol.
Eske salaiyq, 16 qyrkúiekte Almatyda eki oqýshy qyz terezeden qulap qaza tapqan edi.
Osydan keiin basqa balalarda shatyrdan jappai sekirip jatyr degen qaýeset tarady. Biraq Almaty politsiia departamenti bul aqparatty joqqa shyǵardy. Sol kúni Almaty qalalyq bilim basqarmasy oqiǵanyń mán-jaiyn zertteý úshin arnaiy komissiia qurylǵanyn habarlady.
Qaitys bolǵandardyń biri qazaqstandyq belgili ekologtyń qyzy bolyp shyqty.
