inDrive kompaniiasynyń negizin qalaýshy Arsen Tomskiige úilený toiynda jeti jastaǵy asyl tuqymdy Barbaris esimdi jylqy tartý etildi. Erekshe syilyqty kásipker Baǵdat Mýsin bergen, dep habarlaidy dalanews.kz.
Arsen Tomskii bul týraly áleýmettik jelidegi paraqshasynda jazyp, sáigúliktiń sýretin jariialady.
"Úilený toiyna ádette aqsha salynǵan konvert beredi. Al Qazaqstanda jylqy syilaidy! Barbarispen tanys bolyńyzdar. Taza qandy, jeti jastaǵy minis jylqysy. Baǵdatqa raqmet!" – dep jazdy kásipker.
Onyń aitýynsha, birneshe jyldan beri jeke kóligi bolmaǵan. Osy ýaqytqa deiin inDrive qyzmetin paidalanyp nemese avtokólik jaldap júrgen. Endi Barbaristi óziniń jeke kóligine teńegen Tomskii jylqynyń "jolaqysy - sábiz ben alma" ekenin ázilmen jetkizdi.
