Qaraǵandyda «Agroónerkásiptik keshendi damytý» ulttyq jobasy aiasynda sút ónimderiniń baǵasyn arzandatýǵa bólingen 339 million teńge kólemindegi memlekettik sýbsidiialardy jymqyrý faktisi boiynsha aiyptaý úkimi shyǵaryldy, dep habarlaidy Dalanews.kz.
Atalǵan isti QMA Qaraǵandy oblysy boiynsha departamenti tergedi.
«DIAS» sharýa qojalyǵynyń basshylary jergilikti veterinarlyq dárigermen sóz bailasyp, sýbsidiia alý maqsatynda iri qara mal, sondai-aq sút ónimderin óndirý jáne satý týraly jalǵan qujattar tapsyrǵan.
Alaida, is júzinde sharýa qojalyǵynyń qaramaǵynda óndiristik qyzmet júrgizýge jaramsyz shaǵyn mal sharýashylyǵy bazasy ǵana bolǵan.
Tiisinshe, sút ónimderin óndirý men óńdeý is júzinde júzege asyrylmaǵan.
Kúdiktiler jymqyrylǵan sýbsidiianyń bir bóligin et baǵytyndaǵy 60 asyl tuqymdy buqa satyp alýǵa jumsap, nátijesinde 9 mln teńge kóleminde sýbsidiialar túrinde qosymsha qylmystyq tabys alyndy.
Sot úkimimen olar QR QK 190-baby 4-bóligi 2-tarmaǵy (alaiaqtyq), 218-baby 2-bóligi 1-tarmaǵy (qylmystyq jolmen alynǵan kiristi zańdastyrý) jáne 206-baby 3-bóligi 2-tarmaǵy (aqparatty zańsyz joiý nemese ózgertý) boiynsha kináli dep tanylyp, 5 jyldan 6 jylǵa deiingi merzimge bas bostandyǵynan aiyryldy.
Sondai-aq, sot Aýyl sharýashylyǵy basqarmasynyń 339 mln teńge somasyndaǵy azamattyq talabyn qanaǵattandyrdy.
Úkim zańdy kúshine engen joq.
