Sýdia Aijan Kúlbaeva onyń ómirine Bishimbaev protsesi qalai áser etkenin aitty, dep habarlaidy Dalanews.kz Orda.kz-ke silteme jasap.
"Sýdia retinde tártippen kóbirek jumys istei bastadym: bul protsess arqyly mendegi kemshilikterdi anyqtap, solarmen jumys istep jatyrmyn. Al adam retinde... Ol jaily eshteńe aita almaimyn... Kóp nárse týraly oilana bastadym", deidi Kúlbaeva.
Eske salaiyq, eks-ministr Qýandyq Bishimaevtyń isinde sýdiany kompiýter tańdaǵan bolatyn. Bul týraly Joǵarǵy sot tóraǵasynyń sýdiasy Elena Maksiýta aitty.
"Mehanizm boiynsha, adamdardyń aralasýynsyz bárin kompiýter tańdaidy. Bul jerde sýdianyń júktemesi esepke alynady, sóitip avtomatty túrde tańdalady", - dedi ol.
Al sýdia Aijan Kólbaeva bul is kópshiliktiń talqysyna túsip, úlken rezonans týdyrady dep oilamaǵan.
"Dál bulai bolady dep oilamadym. Ádettegidei protseske baladym. Bul meniń baqylaýymda bolǵan eń qiyn is dep aita almaimyn. Áleýmettik jelide maǵan qatysty pikirler jazyla bastaǵanda tańǵaldym", - dedi Aijan Kólbaeva.
Sot protsesi júrip jatqan kezde áldekimder Bishimbaev isi boiynsha sýdia Qulbaevaǵa qońyraý shalyp, qorqytqan bolatyn.
Astana qalasynyń Politsiia departamenti sýdia Aijan Qulbaevaǵa qatysty qorqytý deregi boiynsha qylmystyq is qozǵady.
Sýdianyń uialy telefonyna belgisiz nómirden qońyraýlar men qorqytý habarlamalary túsken.
Qylmystyq kodekstiń 407-babynyń 1-bóligi (Sot tóreligin júzege asyrýǵa kedergi jasaý maqsatynda sottyń qyzmetine aralasý) boiynsha sotqa deiingi is júrgizý bastaldy.
Sýdia jeke qaýipsizdik sharalarymen qamtamasyz etilgen.
Sonymen qatar, internette júrgizilgen monitoring barysynda sýdiaǵa qatysty qylmystyq quqyqbuzýshylyq is-áreketteri bar kóptegen jaǵymsyz jariialanym anyqtalypty.
Tekserý is-sharalarynyń nátijeleri boiynsha tergeý organy Qylmystyq kodekstiń 411-babynyń 1-bóligi (Sýdiaǵa jala jabý) boiynsha qylmystyq is qozǵady.
