Sarapshylar elde oryn alǵan tótenshe jaǵdaiǵa bailanysty jyljymaityn múlik baǵasy ósedi dep boljap otyr, dep habarlaidy Dalanews.kz.
Sý tasqynyna bailanysty úi men páter jaldaý baǵasy qymbattaýy múmkin. Qoldanbaly ekonomikany zertteý ortalyǵy osy pikirdi qostap otyr. Naýryzda jańadan salynǵan úilerdegi bir sharshy metr quny 0,4%-ǵa tómendegen, alaida jyldyq mánde ósim saqtaldy.
Al mamandar baspana baǵasy qymbattai beretinin alǵa tartady. Oǵan sebep bolǵan mańyzdy faktorlardyń biri – sý tasqyny. Biraq tótenshe jaǵdai engizilgen Qostanai oblysynda jáne basqa da birqatar oblystarda jyljymaityn múlik naryǵynda baǵa turaqty.
“Úi baǵasy óspeidi, qazirdiń ózinde baǵa turaqty. Máselen, derekqorymyzda qoljetimdi jáne suranysqa ie nysandar bar. Zaqymdanǵan úiler de joq emes, biraq memleket ony qalypqa keltirip jatyr”, – deidi “Etaji” jyljymaityn múlik agenttiginiń satý bóliminiń basshysy Talǵat Bektemir 31-arnanyń "Informbiýro" baǵdarlamasyna .
Jyljymaityn múlik naryǵynyń sarapshylary baǵanyń ósýi sý tasqynynan zardap shekken aimaqtarda ǵana tirkeletinin aitty. Onda da bul boljam tek jaldamaly baspanalarǵa qatysty ekenin atap ótti. Mamandardyń aitýynsha, jańa úilerdiń qymbattaýyna basqa faktor áser etedi.
“Qazir jańa "Naýryz" ipotekalyq baǵdarlamasynyń iske qosylýyn kútip otyrmyz. Sandarǵa qaraǵanda, biyl osy ipoteka arqyly 12 myń tranzaktsiia josparlanǵan. Bul jyljymaityn múlik naryǵyndaǵy jalpy suranystyń shamamen 40%-yna teń”, – deidi naryq sarapshysy Anna Shatskaia.
Alaida munyń da baspana baǵasyna áser etýi ekitalai dep sanaidy sarapshy. Jylyna kem degende 6-10%-dan aspaidy. Onda da baǵanyń ósýi ipotekalyq baǵdarlamanyń sharttaryna jáne oǵan qansha qazaqstandyq qatysa alatynyna bailanysty.
Aita keteiik, buǵan deiin Atyraý oblysy Jylyoi aýdany Qulsary qalasynda 3 myńǵa jýyq úi sý astynda qalǵany habarlandy. Bul - Qazaqstannyń Tótenshe jaǵdailar ministrligi keltirgen derek.
Sý tasqynyń saldaryn joiýǵa 231 tehnika, 1198 jeke quram, 18 júzý quraly, 19 birlik motopompa jumyldyrylǵan.
Atyraý oblysy Qulsary qalasynan jalpy sany 33 641 adam kóshirildi jáne 201 ýaqytsha ornalasý oryndary daiyndaldy.
Jalpy sany 84 qońyraý túsip, 173 adam qutqaryldy, onyń ishinde 15i - bala. 248 mal basy jáne 27 úi janýarlary qaýipsiz oryndarǵa kóshirilgen.
