Sý tasqynynan baspanasy búlingen 356 otbasy turǵyn úı men páterge qol jetkizdi

Dalanews 24 mam. 2024 09:38 1756

Qazaqstan Úkimeti aýqymdy sý tasqynynan zardap shekken azamattarǵa keltirilgen shyǵyndy óteý jumystaryn jalǵastyrýda, – dep habarlaıdy Dalanews.kz.

Búgingi tańda 29 625 otbasy 10,7 mlrd teńgeden astam somaǵa 100 AEK mólsherinde birjolǵy tólem aldy, barlyǵy 30 912 ótinim qabyldandy. Atalǵan jumystar Qostanaı, Aqtóbe, Aqmola, Batys Qazaqstan, Qaraǵandy, Pavlodar, Abaı jáne Ulytaý oblystarynda tolyǵymen aıaqtaldy. Jumys Atyraý jáne Soltústik Qazaqstan oblystarynda jalǵasýda.

Zardap shekken óńirlerde 8 863 nysan boıynsha zalaldy baǵalaý jumystary aıaqtaldy.

356 otbasy jańa úıler men páterlerge ıe boldy. 1 472 úı salynyp jatyr. 1 389 úıde jóndeý jumystaryn júrgizýge 5,2 mlrd teńgeden astam qarajat bólindi. 3 804 otbasy materıaldyq shyǵyn úshin jalpy somasy 657 mln teńgege ótemaqy aldy.

Aıta ketý kerek, mal shyǵyny úshin berilgen tólem kólemi 1,6 mlrd teńgege jetti.

Keltirilgen zıandy óteý jumystary jalǵasýda jáne turaqty baqylaýǵa alynǵan.

 


Usynylǵan
Sońǵy jańalyqtar