Premer-ministrdiń orynbasary Qanat Bozymbaev sý tasqyny kezinde baspanasynan aiyrylǵan qazaqstandyqtarǵa arnalǵan jańa úilerge "eń arzan jáne sapasyz zattar satyp alynyp jatyr" degen qaýesetke pikir bildirdi, - dep habarlaidy Dalanews.kz.
Mundai saýaldy Bozymbaevqa jýrnalister qoidy.
"Óńirlerden qazaqstandyqtar "eń arzan ári sapasyz zattar alynyp jatyr" dep jazyp jatyr. Sý tasqyny kezinde olar áldeqaida qymbat jihazdary men turmystyq zattarynan aiyryldy. Endi olar óte arzanyn alady eken. Bul aqparat qanshalyq ras?"- dep surady jýrnalister Bozymbaevtan.
Premer-ministrdiń orynbasary apattan zardap shekken úilerge jihaz jáne tehnika satyp alý máselesimen ákimdik ainalyspaitynyn aitty.
"Siz aitqannyń bári shyndyqqa sáikes kelmeidi. Ákimdikter jihaz ben tehnika satyp alýǵa mindetti emes. Eger qazir úilerge jihaz ben tehnika qoiylyp jatsa, bul - demeýshilerdiń esebinen alynǵan qosymsha zattar. Sondyqtan ákimdikter ózderi tehnika da, jihaz da satyp almaidy", - dep túsindirdi Qanat Bozymbaev.
Sonymen qatar, jýrnalister Bozymbaevtan kelesi jylǵa qatysty sý tasqyny boljamyn suraǵan edi. Premer-ministrdiń orynbasary ony Qudai biletinin aitty.
"Ony kim aitady? Alladan surańyz... Sý tasqyny bola ma, bolmai ma? Ony Alladan surańyz", - dedi premer-ministrdiń orynbasary.
Oǵan qosa Úkimet sý tasqyny apatynan zardap shekkenderge kim qandai kómek kórsetkenin de jariialady.
"Kóp jýrnalist sý tasqynynan zardap shekkenderge qandai kásipkerler qandai jolmen kómek kórsetkenin suraidy. Bul kestede óńirler boiynsha qandai kásipkerler qazir turǵyn úi satyp alýǵa jáne jóndeýge qansha soma bólgeni kórsetilgen. Sonymen qatar, olardyń bir bóligi "Demeý" jáne "Qazaqstan halqyn" qorlaryna qarjy aýdardy. Qalǵanynyń bári óńirlerde qorlarǵa aýdarylady nemese jergilikti kásipkerler kómektesedi. Búginde qarajattyń shamamen 40 paiyzy igerildi. Biraq áli jazdyń ortasyna jetken joqpyz, bizde qatań kesteler bar, - dedi vitse-premer.
