Bas prokýratýranyń arnaıy prokýrorlary búdjettiń atqarylýyn tekserý barysynda prokýrorlar anyqtaǵan «Astrahan-Mańǵyshlaq» sý qubyryn qaıta qurý kezinde 6,4 mlrd teńge somasyna memleket qarajatyn jymqyrý faktisi jóninde qylmystyq isti tergep-tekserýdi aıaqtady, dep habarlaıdy Dalanews.kz.
«KazTransOıl» AQ-nyń enshiles kompanıasy - «Magıstraldyq Sýaǵyzǵysy» kvazımemlekettik kásipornynyń burynǵy bas dırektory, onyń orynbasary, merdiger kompanıanyń ókilderi jáne jobalaý uıymynyń quryltaıshysy jymqyrý jasaǵan dep kúdiktelýde.
Qylmystyq isti tergep-tekserý sheńberinde kúdiktilerdiń 1,1 mlrd teńge mólsherindegi múlki anyqtalyp, úkimniń oryndalýyn qamtamasyz etý maqsatynda sottyń sanksıasymen tyıym salynǵan.
Qylmystyq is sotqa jiberiledi.
