Sybailas jemqorlyqqa qarsy is-qimyl agenttiginiń baspasóz qyzmeti Soltústik Qazaqstan oblysynyń qylmystyq atqarý júiesi departamentiniń bastyǵy jemqorlyq kúdigimen ustalǵanyn rastady, dep habarlaidy Dalanews.kz.
"Sybailas jemqorlyqqa qarsy qyzmet Soltústik Qazaqstan oblysy boiynsha qylmystyq atqarý júiesi departamentiniń bastyǵy sotqa deiingi tergeý sharalary aiasynda ustalǵanyn rastaidy. Keiin qosymsha aqparat beremiz", - delingen agenttiktiń resmi málimetinde.
Eske sala keteiik, bul qyzmetti 2023 jyldyń mamyrynan beri Ádilet Mustafinov atqaryp kele jatyr.
Ádilet Mustafinov 52 jasta, Semei qalasynda dúniege kelgen.
1994 jyly Omby agrarlyq ýniversitetin «zootehnik» mamandyǵy boiynsha, 2007 jyly Qazaq quqyqtaný jáne halyqaralyq qatynastar institýtyn «quqyqtaný» mamandyǵy boiynsha bitirgen.
Ár jyldary Pavlodar oblysy boiynsha Salyq politsiiasy komiteti basqarmasynyń Pavlodar óńiri boiynsha aýdanaralyq bóliminiń inspektory, Pavlodar oblysy boiynsha QAJ departamentiniń ózindik qaýipsizdik tobynyń ishki ister bóliminiń aǵa jedel ýákili, QR IIM QAJK quqyq qorǵaý organdarymen ózara is-qimyl jedel basqarý bastyǵynyń orynbasary, Soltústik Qazaqstan oblysy, Astana qalasy boiynsha QAJ departamenti bastyǵynyń orynbasary qyzmetterin atqardy.
Osy taǵaiyndaýǵa deiin Pavlodar oblysynda qylmystyq-atqarý júiesi departamentin basqardy.
