QMA Soltústik Qazaqstan oblysy boiynsha departamenti Aiyrtaý aýdanyndaǵy qurylys kezinde biýdjet qarajatyn jymqyrý deregi boiynsha tergep-tekserý júrgizip jatyr, dep habarlaidy dalanews.kz.
2017 jyly Energetika jáne turǵyn úi-kommýnaldyq sharýashylyq basqarmasy «Biznestiń jol kartasy — 2020» baǵdarlamasyn iske asyrý aiasynda «Akcent KZ» JShS-men «Syrymbet» ken ornyna deiin ishki alańdaǵy jol tarmaqtary men injenerlik jelileri bar temirjol kirme jolyn salý jóninde shart jasasqan.
«Syrymbet» ken ornynyń óńir úshin strategiialyq mańyzy bar. Ol — Qazaqstandaǵy jalǵyz ári Ortalyq Aziiadaǵy eń iri qalaiy ken orny. Memlekettik satyp alýdyń jalpy quny 1,4 mlrd teńge. Bastapqyda qurylys 2018 jyly aiaqtalady dep josparlanǵan, alaida jobany iske asyrý merzimi birneshe ret uzartylǵan. Soǵan qaramastan, nysan qurylysy áli kúnge deiin aiaqtalmaǵan.
Nátijesinde is júzinde oryndalmaǵan jumystardyń quny 380 mln teńge. Is boiynsha merdiger uiymnyń basshysy jáne Energetika jáne turǵyn úi-kommýnaldyq sharýashylyq basqarmasynyń burynǵy basshysy kúdikti dep tanyldy. Sot sanktsiiasymen 3 páter men avtoturaq ornyna tyiym salyndy. Tergep-tekserý jalǵasyp jatyr. Ózge aqparat QR QPK-niń 201-babyna sáikes jariia etýge jatpaidy.
