Soltústik Qazaqstan oblysynyń Mamliýt aýdanyndaǵy Dýbrovnoe aýylynda elevatorda jumys istegen eki adam aýyr jaraqat aldy, dep habarlaidy dalanews.kz.
Oqiǵa kezinde 1983 jyly týǵan 43 jastaǵy jumysshynyń eki aiaǵy jaraqattanǵan. Ol sol jaq jilinshiktiń eki súieginen ashyq synyp, oń aiaǵynyń shybyq súiegi ashyq synǵan. Jumysshyǵa ota jasaldy.
Onyń 41 jastaǵy áriptesi kómekke umtylǵan kezde, elevator mehanizmi ony da jaraqattaǵan. Er adamnyń bilegindegi eki súiek te ashyq ári aýyr synǵandyqtan, dárigerler oń qolyn shyntaqtan tómen ampýtatsiialap, tuqylyn qalyptastyrýǵa májbúr boldy.
Qazir eki jumysshy da aýdandyq aýrýhanada jatyr. Olardyń jaǵdaiy turaqty aýyr dep baǵalanyp otyr.
Oqiǵaǵa bailanysty politsiia sotqa deiingi tergeý júrgizip jatyr. Quqyq qorǵaý organdary jumysshylardyń jaraqat alýyna ne sebep bolǵanyn jáne óndiristik aýmaqta qaýipsizdik talaptarynyń saqtalǵan-saqtalmaǵanyn anyqtaidy.
