Búgin sot otyrysynda Ulttyq ǵylymi ortalyq qyzmetkeriniń jaýaby tyńdaldy. Raihan Musaǵalievanyń aitýynsha, indet órshigen kezde almatylyq dárigerlerdiń qorǵanysh quraldarymen qamtylmaýy olardyń virýs juqtyrýynyń basty sebebi bolǵan.
Jappai aýrýǵa shaldyǵý deregi málim bolǵan soń júrgizilgen zertteý jumystary osyny kórsetken.
Qaýiptiń alǵy shebinde júrgen mamandar tiisti 3 qorǵanysh kiiminiń ornyna bireýin jarym-jartylai kúide qoldanýǵa májbúr bolǵan.
Sarapshynyń aitýynsha, tipti ony qaita-qaita aýystyrmas úshin jórgek kiiýge májbúr bolǵan.
Eske sala keteiik, Berik Sháriptiń ústinen qozǵalǵan is Nur-Sultan qalasyndaǵy Esil aýdandyq sotynda qaralyp jatyr.
Oǵan "laýazymyn asyra paidalandy, meditsina qyzmetkerlerin qorǵanysh quraldarymen tolyq qamtymady" degen aiyp taǵyldy.
Sot materialdaryna sai Berik Shárip "Ińkár" kompaniiasymen 2 mln-nan asa qorǵanys kostiýmderin jetkizýge kelisimshart jasasqan. Alaida arnaiy kiimderdiń sapasy standartqa sai kelmegen. Saldarynan 2 myńnan asa dáriger kovid juqtyrǵan.
Alaida "SQ-Farmatsiianyń" eks-basshysy bul aiyppen kelispeidi. Eger onyń kinási dáleldense, 7 jylǵa deiin bas bostandyǵynan aiyrylýy múmkin. Ázirge Berik Shárip qarýdy zańsyz saqtaǵanyn ǵana moiyndady.
Sýret: rus.azattyq-ruhy.kz
