Sportshylar Astanada ótip jatqan «Toqta, vandal» aktsiiasyn qoldady
Pankration men djiý-djitsýdan álem, Eýraziia jáne Aziia chempiony qazaqstandyq kásipqoi jaýynger Vasilii Tahtai «Toqta, vandal» bastamasyn qoldaýǵa jáne qalanyń sulý kelbetin qorǵaýǵa shaqyrdy.
«Kóshedegi zattardy búldirýdiń ornyna ringke shyǵyp, naǵyz qarsylasyńyzben jekpe-jek ótkizińiz», - dep ol qala turǵyndaryn jattyǵýǵa shaqyrdy.
Bul bastamany taǵy bir belgili sportshy – QR strit-vorkaýt komandasynyń bas bapkeri, álem chempiony Aitym Jaqypov qoldady. Ol da astanalyqtarǵa úndeý joldady.
«Boiyndaǵy kúshin qaida jibererin bilmei, ainalasyndaǵy zattardy búldiretin jastardy kóremiz. Jattyǵý alańyna baryp, boiyńyzdaǵy negativti energiiany shyǵaryńyz», - dedi ol.
Aita keteiik, Astanada Memleket basshysynyń tapsyrmasy boiynsha vandalizmmen kúres boiynsha júieli jumys júrgizilip jatyr. Elordada 2 tamyz kúni qala múlkiniń, aýla aýmaqtary men qoǵamdyq oryndardyń búlinýine jol bermeý úshin «Toqta, vandal» aktsiiasy bastaldy.
