Taldaýshylar Kaspi brendiniń tanymaldyǵyn jáne biregei biznes strategiiasyn atap ótti, dep habarlaidy Dalanews.kz.
S&P Global Ratings halyqaralyq reiting agenttigi Kaspi Bank-tiń uzaq merzimdi kredittik reitingin halyqaralyq ólshem boiynsha "VV+"-ke deiin jáne banktiń reitingin ulttyq ólshem boiynsha "kzAA+"-ǵa deiin kóterdi.
"Biz taǵy da halyqaralyq reiting agenttiginiń joǵary baǵasyn aldyq. S&P taldaýshylary kóptegen jyldar boiy bizdiń kompaniianyń damýyn baqylap keledi. Agenttik Kaspi.kz-tiń biregei jáne tabysty biznes strategiiasy bar ekendigin atap ótti. Bul komandamyzdyń Qazaqstandaǵy jumysynyń nátijesi. Bizge 14 millionnan astam qazaqstandyq jáne 700 myńǵa jýyq seriktes senim artady, olardyń kópshiligi shaǵyn jáne orta biznes kompaniialary. Bizben birge bolǵany úshin árbir súiikti klientimiz ben seriktesimizge raqmet aitamyz!", - dedi Kaspi.kz-tiń basshysy ári negizin qalaýshylardyń biri Mihail Lomtadze.
S&P ózin jaqsy jaǵynan tanytqan klienttik bazany jáne Kaspi brendiniń tanylýyn, sondai-aq biznes qurylymyn strategiialyq damytýdyń oń tájiribesin atap ótti.
Taldaýshylardyń pikirinshe, Kaspi-diń qarjylyq kórsetkishteri salystyrylatyn kompaniialardyń kórsetkishterinen asyp túsedi. Reiting sonymen qatar Kaspi-diń biznes qurylymy, tekserilgen strategiia, sondai-aq naryqta berik ornyǵýy kompaniianyń turaqtylyǵyn qamtamasyz etedi degen boljamdy kórsetedi. Boljamdy joǵary paida kórsetkishteri Kaspi-ge stresstik jaǵdaida turaqtylyqty arttyrý úshin jetkilikti rezerv kólemin qurýǵa kómektesedi jáne kóptegen salystyrmaly kompaniialarǵa qaraǵanda joǵary táýekelderdi jeńýge múmkindik beredi.
Kaspi.kz-tiń missiiasy – súiikti klientterimizdiń ómirin jaqsartatyn innovatsiialyq ónimder men servister jasaý. Innovatsiianyń túpqazyǵy – bul 14 millionnan astam qazaqstandyq paidalanatyn elimizdegi eń tanymal Kaspi.kz mobildi sýperqosymshasy.
Kaspi.kz sýperqosymshasynyń kómegimen qazaqstandyqtar tólem jasap, aqsha aýdarady, óz qarjysyn basqarady, ushaq jáne t/j biletterin satyp alady, tegin jetkizý qyzmetimen zattardy tiimdi onlain satyp alady jáne eń tanymal memlekettik qyzmetterdi paidalanady. Sondai-aq biznes úshin de Kaspi.kz úzdik Kaspi Pay qosymshasyn shyǵardy, ony 700 myńǵa jýyq qazaqstandyq kásipker paidalanady.
Búgingi tańda Kaspi.kz – aktsiialary Nasdaq amerikalyq qor birjasynda satylatyn álemdegi iri qarjyteh kompaniialardyń biri. Harvard Business School Kaspi.kz týraly eki oqý materialyn jazdy. Bul material boiynsha magistratýra stýdentteri oqidy.
