Sholaqqorǵan aýdandyq kitaphanasynda 385 myńnan astam kitap bolsa, olardyń 8500-i qundy kitaptar, iaǵni, kóp kezdese bermeitin týyndylar. Sonaý 1950 jyly jaryqqa shyqqan dúnieler de qaz-qalpynda saqtalǵan. Kitaphana qyzmetkerleriniń aitýynsha, munda jylyna 6 myńǵa jýyq kitap turaqty túrde oqyrman qolyna tiedi. Taǵy bir aita keterligi, aýdandyq kitaphanada sońǵy 32 jyldan beri «Egemen Qazaqstan», «Ońtústik Qazaqstan», «Kazahstanskaia pravda», «Jas Alash», «Molshylyq úshin», «Teriskei», «Sozaq úni» gazetteri syndy merzimdi basylymdardyń muraǵaty saqtalǵan. Rýhani azyq mekeni elimizge tanymal tulǵalar tarapynan joǵary baǵasyn da alyp úlgeripti.
«Bizdiń kitap qorymyz kórkem ádebietke óte bai. Bizde balalar álem ádebietiniń barlyq tomy saqtalǵan. Árine, bul – biz úshin maqtanysh. Sonymen qatar, entsiklopediialyq, anyqtamalyq, ǵylymi kitaptardyń da túr-túrin taba alasyz. Osydan biraz jyl buryn Saýytbek Ábdirahmanovtyń ózi bir kelgeninde «Pýshkin eńbekteri jáne qazaqsha zertteý» kitabyn osy jerden kórip tań qalǵan. Al jazýshy, qoǵam qairatkeri Sherhan Murtaza aǵamyz bizdiń kitap qorymyz Astana kitaphanalarymen birdei dep baǵasyn bergen», – dedi kitaphananyń aqparattyq jáne biografiialyq qamtamasyz etý bóliminiń basshysy Sáýle Boranshieva.
Tehnologiianyń qaryshtap damyǵan zamany oqyrman sanyna ózindik salqynyn da tigizbei qoimaǵan. Bul turǵyda qyzmetkerler oqyrman qyzyǵýshylyǵyn arttyrý boiynsha turaqty jumystar júrgizip keledi eken.
OQO ákiminiń baspasóz qyzmeti
