"Qyz zorlady" degen kúdikke ilingen Taldyqorǵan politsiiasynyń burynǵy basshysy aýrýhanaǵa jatqyzyldy, dep habarlaidy Dalanews.kz Orda.kz-ke siltep.
Politseidi arnaiy jasaq kúzetýde. Taldyqorǵan politsiiasynyń burynǵy basshysy Marat Kúshtibaev 5 naýryzda sot zalynda esinen tanyp, aýrýhanaǵa jetkizilgen bolatyn.
Aiyptalýshynyń áieli oǵan turaqsyz stenokardiia, sozylmaly júrek jetkiliksizdigi diagnozy qoiylǵanyn aitty.
"Kúieýim arteriialyq gipertenziia, stenokardiia jáne sozylmaly bronhitpen basqa aýrýhanaǵa jiberildi. Nege ekenin bilesiz be? Kardiologiialyq ortalyqta sottalýshylarǵa arnalǵan arnaiy bólimshe joq eken", - dedi aiyptalýshy Kúshtibaevtyń áieli Lázzat Túkenova.
Odan bólek Kúshtibaevtyń jary kúieýiniń densaýlyǵyna alańdaitynyn aitty.
"Eger erteń aýrýy qaitalanyp, ólimge ákelse buǵan kim jaýap beredi? Eń aldymen adamdy emdeýge Uippokrat antyn qabyldaǵan dárigerler mindetti me, álde prokýratýra men Uiymdasqan qylmysqa qarsy kúres basqarmasynyń qyzmetkerleri me?",- dep suraidy Kúshtibaevtyń áieli.
Eske salaiyq, Taldyqorǵanda "Almatynyń 27 jastaǵy turǵynyn zorlady" dep aiyptalǵan politsiia basqarmasynyń burynǵy basshysy Marat Kúshtibaevqa qatysty sot protsesi jalǵasyp jatyr
