Qaiyrgeldi Smaǵulovtyń ótinishin aldyn ala qaraý jónindegi kassatsiialyq alqa Nazarbaevtyń aktivteri men múlkin memleket paidasyna óndirip alýǵa baǵyttalǵan onyń talabyn odan ári qaraýǵa negiz joq dep qaýly etti. Bul týraly Nege.Aqsha jazdy, - dep habarlaidy Dalanews.kz.
«Ótinishtiń dálelderin zerttegen sýdia sot aktilerin qaita qaraýǵa negiz joq dep sanaidy», — delingen Joǵarǵy sot qaýlysynda.
Bul Smaǵulovtyń eks-prezidenttiń múlkin memleket paidasyna tárkileýge sot tártibimen qol jetkizýge tyrysqan úshinshi áreketi boldy.
Buǵan deiin Astananyń Azamattyq ister jónindegi aýdanaralyq soty, sodan keiin elordalyq sot onyń talabyn qabyldamady.
