"Ashyq qoǵam" qorynyń negizin qalaýshy Djordj Soros siriialyq Aleppo qalasyndaǵy "tarihi masshtabtaǵy gýmanitarlyq apatqa" Reseidi kinálady.
Sorostyń pikirinshe, Alepponyń beibit turǵyndarynyń bombanyń astynda qalýyna prezident Vladimir Pýtin jaýapty. Siriialyq qalany Bashar Asad áskeriniń shabýyldaryn qoldaityn reseilik ushaqtar bombalap jatyr. Áskeri qimyldardyń nátijesinde qalada aýrýhanalar jumys istemeidi, aýyz sý jetispeidi, delingen qarjyger filantroptyń málimdemesinde. Ol "Ashyq qoǵam" qorynyń saitynda jariialandy.
Djordj Soros Resei halqyn jáne búkil álemdi úndemei qalmai, jaǵdaiǵa qatysty ashý-yzasyn ashyq bildirýge shaqyrdy, óitkeni qoǵamdyq pikir qysymy Pýtindi adamzatqa qarsy qylmysyn doǵarýǵa májbúrleýi múmkin.
