KHDR Memlekettik keńesiniń tóraǵasy Kim Chen Yn álemdi jaýlaǵan kovid Soltústik Koreiaǵa da aýyz salǵanyn aityp, jalpyhalyqtyq karantin jariialady.
Kim Chen Ynnyń halyqqa jasaǵan úndeýinde «partiialyq, ákimshilik, sharýashylyq mekemeleri, qaýipsizdik qyzmeti, qarýly kúshterdiń bári Ulttyq karantindik tótenshe jaǵdai basqarmasynyń buiryqtaryn buljytpai oryndaý kerek» dep buiryq bergeni málim boldy.
The New York Times basylymynyń tartqan málimetishe, el astanasy Phenianada koronavirýstyń asa juqpaly «Omikron» shtamynyń jańa túri taralyp jatsa kerek. Ázirshe KHDR biligi qaýipti indetti qansha adamnyń juqtyrǵanyn ashyp aitqan joq.
Soltsútik Koreia dúniejúzi boiynsha COVID-19 virýsyna qarsy egý jumystaryn júrgizbegen birden bir el ekenin eskersek, jaǵdaidyń tym aýyr ekenin baǵamdaýǵa bolady. Al bilik bolsa muny jasyratyny anyq.
2020 jyly Soltústik Koreia Qytaimen aradaǵy shekarasyn jaýyp, el aýmaǵynda kovidtiń múlde tirkelmegenin aitqan edi.
