Joǵary aýdıtorlyq palatanyń nusqaýyn oryndamaǵany úshin 18 laýazymdy tulǵa jáne 4 memlekettik organ ákimshilik jaýaptylyqqa tartyldy, dep habarlaıdy Dalanews.kz.
1 qazandaǵy jaǵdaı boıynsha Joǵary aýdıtorlyq palatanyń nusqaýyn oryndamaǵany nemese tıisinshe oryndamaǵany úshin:
- Ulytaý oblysy ákiminiń orynbasary;
- Túrkistan qalasy ákiminiń orynbasary;
- Ulytaý oblysy Jańaarqa aýdany ákiminiń orynbasary;
- Medısınalyq jáne farmasevtıkalyq baqylaý komıteti tóraǵasynyń m.a. ákimshilik jaýaptylyqqa tartyldy.
Sondaı-aq, "Semeı" ÁKK" AQ-nyń jaýapty qyzmetkerleri, birqatar oblystyń basqarma basshylary, birqatar qalanyń bólim meńgerýshileri, jekelegen mınıstrlikterdiń departament dırektorlaryna jáne t.b. ákimshilik jaza qoldanyldy.
4 zańdy tulǵa da jaýapkershilikke tartyldy. Olar: QR Qarjy mınıstrliginiń Memlekettik kirister komıteti, QR Sý resýrstary jáne ırrıgasıa mınıstrliginiń Sý resýrstaryn retteý, qorǵaý jáne paıdalaný komıteti, QR Kólik mınıstrliginiń Avtomobıl joldary komıteti, Qyzylorda oblysy ákiminiń apparaty.
Odan bólek Joǵary aýdıtorlyq palata nusqamalarynyń 4 tarmaǵyn oryndamaýyna baılanysty Ulytaý oblysynyń Jezqazǵan, Sátbaev qalalary men Ulytaý aýdanynyń ákimdikterine qatysty sotqa talap qoıý bastamasy kóterilgen.
