Atalǵan qaýlyny qabyldaýdyń maqsaty QR Úkimeti belgilegen óńirlerde oralmandardy ońtaıly ornalastyrý.
Saıtta jarıalanǵan málimetterge qaraǵanda, 2020 jyly kvota bylaısha bólindi: Pavlodar oblysy boıynsha – 500 adam, Qostanaı oblysy boıynsha – 350, Aqmola oblysy boıynsha – 258, Shyǵys Qazaqstan oblysy boıynsha-150, Soltústik Qazaqstan oblysy boıynsha – 120. Oralmandardy qabyldaýdyń óńirlik kvotasyna engizilgen adamdarǵa Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasyn iske asyrý sheńberinde sýbsıdıa berý túrinde qoldaý kórsetiletin bolady.
Kóshýge – otbasynyń árbir múshesine 35 AEK (84,2 myń teńge) birjolǵy tólem, turǵyn úıdi jaldaý (jalǵa alý) jáne komýnaldyq qyzmetterdi tóleý boıynsha shyǵystardy jabý úshin 12 aı ishinde otbasyna 15-ten 30 AEK (36,1-den 72,2 myń teńge).
Budan buryn habarlanǵandaı, 2019 jyly QR Úkimeti 2 031 adamdy qamtıtyn oralmandardy qabyldaýdyń óńirlik kvotasyn bekitti:
Ol mynadaı túrde bólindi – Qostanaı oblysy boıynsha – 815, Pavlodar oblysy boıynsha – 550, Aqmola oblysy boıynsha – 306, Shyǵys Qazaqstan oblysy boıynsha-250, Soltústik Qazaqstan oblysy boıynsha – 110 adam.
Jalpy alǵanda, 2019 jyly 17,661 etnıkalyq qazaq nemese 9993 otbasy tarıhı otanyna oralyp, qandas mártebesin aldy. Esterińizge sala keteıik, 1991 jyldan 2020 jylǵy 1 qańtarǵa deıin 313 256 otbasy nemese 1 057 280 etnıkalyq qazaq tarıhı otanyna oralyp, qandas mártebesin alǵan bolatyn.
