Aqmola oblysynyń ákimi Marat Ahmetjanov Býrabai aýdanynyń Shýchinsk qalasynda bolǵan jaǵdaidy jedel shtab múshelerimen talqylady, dep habarlaidy Dalanews.kz.
"Azamattardyń qaýipsizdigi sózsiz basty basymdyq bolýǵa tiis. Osy baǵytta qosymsha uiymdastyrýshylyq jáne aldyn alý sharalary qabyldanady. Zardap shekken otbasylarǵa jan-jaqty qoldaý kórsetemiz", – dep atap ótti Marat Ahmetjanov.
Oblys ákimi zardap shekkender men qaza tapqandardyń otbasylaryna jan-jaqty kómek kórsetýdi, meditsinalyq kómektiń ýaqytyly kórsetilýin jáne jedel járdem brigadalarynyń táýlik boiy kezekshiligin uiymdastyrýdy, sondai-aq, oqiǵa sebepterin jan-jaqty tergeýdi, kinálilerdi jaýapkershilikke tartýdy jáne qaýipsizdik talaptary saqtalýyn baqylaýdy kúsheitýdi tapsyrdy.
Aita keteiik, qaza tapqandardyń jaqyndaryna, iaǵni 6 otbasyǵa 2 mln teńge kóleminde birjolǵy tólem berilgen. Qaza tapqandardyń otbasylaryna dámhana iesi qosymsha 2 million teńgeden tólegen. Ómirlik qiyn jaǵdaiǵa tap bolǵan 5 otbasynyń nesieleri demeýshilik qarajat esebinen ótelmek. Sondai-aq, zańnamaǵa sáikes áleýmettik tólemder taǵaiyndalǵan.
Eske salaiyq, "Tsentr plova" dámhanasynda gaz-aýa qospasy jarylyp, órt shyǵyp, saldarynan 28 adam zardap shekti, 5 adam oqiǵa ornynda qaza tapty, taǵy ekeýi aýrýhanaǵa jetkizilgen kezde kóz jumdy. 13 adam meditsinalyq kómek alyp jatyr.
