Táýelsizdik merekesine orai 15 jeltoqsan kúni Jańaaýyl aýyldyq okrýgine qarasty Saryóleń aýylynda jańadan salynǵan mekteptiń saltanatty ashylýy ótti, dep habarlaidy Dalanews.kz.
Mańyzdy sharaǵa oblys jáne aýdan deńgeiindegi ókilder, bilim salasynyń basshylary, máslihat depýtattary men partiia ókilderi qatysty. Qonaqtar jańa bilim ordasynyń ǵimaratymen tanysyp, materialdyq-tehnikalyq bazasyn kórdi, oqýshylarmen erkin formatta júzdesti.
Sondai-aq mereke aiasynda mektep janyndaǵy balabaqsha tárbielenýshilerine arnaiy syilyqtar tabystalyp, búldirshinderge kóterińki kóńil kúi syilandy. Zamanaýi talaptarǵa sai salynǵan mektep aýyl balalary úshin qolaily ári qaýipsiz bilim berý ortasyn qalyptastyryp otyr.
Saltanatty jiynda sóz sóilegen oblys ákiminiń orynbasary Erbol Nurǵaliev jańa mekteptiń mańyzdylyǵyna toqtalyp ótti:
«Bul mektep – aýyldyń áleýmettik damýyna serpin beretin mańyzdy nysan. Qysqa merzim ishinde, nebári 8 aida boi kótergen bilim ordasy – memleket tarapynan bilim salasyna kórsetilip otyrǵan naqty qoldaýdyń nátijesi. Munda oqityn balalarǵa sapaly bilim alyp, óz áleýetin tolyq ashýǵa barlyq múmkindik jasalǵan», – dedi ol.
Aita ketý kerek, mektep qurylysy biylǵy jyldyń sáýir aiynda bastalyp, nebári segiz aidyń ishinde tolyq aiaqtalyp, paidalanýǵa berildi. Bul – josparly jumystyń, júieli baqylaýdyń jáne naqty nátijege baǵyttalǵan eńbektiń aiqyn kórinisi.
Jańa mektep – aýyldyń keleshegine, jas urpaqtyń sapaly bilim alýyna jasalǵan mańyzdy investitsiia. Tarbaǵatai aýdanynda bilim salasyn damytýǵa baǵyttalǵan jumystar aldaǵy ýaqytta da jalǵasyn tabady.
