Infraqurylymdy damytýǵa baǵyttalǵan memlekettik baǵdarlamalar boıynsha oblysta úsh mektep, kóp páterli eki úı salyndy. 12 nysanǵa jylý júıesi men sý qubyry tartylyp, 15 shaqyrymdy quraıtyn jylý júıesi qaıta jańartyldy. 27 shaqyrym sý qubyry jáne káriz júıesi salyndy. Bul ınjenerlik júıelerdiń tozýyn Óskemen qalasy boıynsha 1,4, Semeı qalasy boıynsha 2,3 paıyzǵa tómendetýge múmkindik berdi.
1,5 myń shaqyrymǵa sozylǵan 500 kV-tyq «Ekibastuz – Shúlbi Óskemen GES» qurylysy aıaqtaldy. Onyń 866 shaqyrymy SHQO aýmaǵynan ótip jatyr. Bul elektr energıasyn Reseı Federasıasynan alýdy toqtatyp, elektr jetispeýshiligin azaıtty.
Aǵymdaǵy jyly «Nurly jol» baǵdarlamasy boıynsha 11,1 mlrd. teńgeniń 30 jobasyn júzege asyrý josparlanyp otyr. Sonymen qatar, «Aq bulaq» baǵdarlamasy boıynsha 4,9 mlrd. teńgeniń 27 jobasyn júzege asyrý kózdelýde.
