ShQO-nyń týristik áleýeti óte joǵary, ony damytatyn kóptegen múmkindikter bar – Danial Ahmetov.
Shyǵys Qazaqstan oblysynda ishki týrizmdi damytýdy qajet etetin arnaiy oryndar jetikilikti. Sondyqtan bul baǵyttaǵy jumystardy barynsha damytyp, týrizmdi paidanyń kózine ainaldyratyn múmkindikter jetip artylady. Osy rette Shyǵys Qazaqstan oblysynda qysy-jazy týristerdi qyzyqtyratyn nysandar bar ekenin aita ketýimiz kerek. Sol sebepti óńirde bul baǵattaǵy jumystar esh ýaqytta tolastamaityny anyq. Alqaly jyiynda oblys ákimi osy máselege basa mán berdi.
– Týrizm Shyǵys Qazaqstan oblysy erekshe kóńil bólip otyrǵan basym salalardyń biri. Qazir qys mezgilinde barlyq jobalardyń kelisý rásimderinen ótýi óte mańyzdy. Al kóktemde olardy iske asyrý qajet. Jańa Buqtyrma boiynsha mańyzdy eskizdik joba daiyndalýda – Osinovskii asýyn ainalyp ótetin "Óskemen-Altai" tas joly, Jańa Buqtyrmadaǵy kóshelerdi jaryqtandyrý jáne abattandyrý, qyzmet kórsetý obektilerin salý. Jaǵalaýdaǵy jaiaý júrginshiler aimaǵynan demalys ortalyqtaryna deiingi jol retke keltirý mańyzdy. Bul – aimaqta velojoldar men túrli qurylystar da qarastyrylatyn bolady, – dep oblys basshysy Jańa Buqtyrmanyń týristik áleýetin arttyrýǵa qatysty jumystarǵa erekshe mán berý kerek ekenin eskertti.
Budan basqa, kentte úlgilik joba boiynsha memlekettik tilde oqytatyn 200 oryndyq mektep salý josparlanýda.
– Ridderge keletin bolsaq, munda da mańyzdy eskizdik joba qajet, Tarhanka, Topiha jáne Cheremshanka arqyly ótetin joldy zertteitin arnaiy top jumys isteidi. Qalada kóshe jaryǵyn qaita quryp, 2500 sham ornatý kerek. Katonqaraǵai aýdanynda ekologiialyq týrizmge basa nazar aýdarý qajet, qazirdiń ózinde arnaiy jobalar bar. Ólketaný murajaiynyń ǵimaratyndaǵy XIX ǵasyrdaǵy shirkeýdi qalpyna keltirýdiń máni zor. Sondai-aq, kópir salýǵa jobalyq-smetalyq qujattar ázirlenýde. Ár jobada jol boiyndaǵy qyzmet kórsetý nysandaryna basa nazar aýdarý qajet. Týrizmdi damytý jobasy Sarybel úshin de daiyndalýda. Jalpy, aimaqtyq týristik áleýeti óte joǵary jáne ony damytý úshin kóptegen múmkindikter bar, – dedi Danial Ahmetov.
