Shaǵyn jáne orta biznes ókilderi de shette qalmady. Biylǵy jyldyń ózinde olardyń demeýshiligimen 5,2 mlrd teńgege 929 áleýmettik joba iske asý ústinde.
– Shaǵyn ǵana kásipti dóńgeletip otyrǵan kásipkerler qazirde iri kásiporyndarmen teń dárejede qoldaý kórsetip keledi. Ásirse aýdan kásipkerleri qarajatynyń kólemine qaramastan, balabaqsha qurylysyna qoldaý bildirip keledi, – dedi ShQO ákimi Danial Ahmetov.
Aita ketsek, «Týǵan jer» baǵdarlamasy aiasynda 2147,7 mln,teńgege abattandyrý boiynsha 289 joba iske asýda. Sonyń ishinde 150,5 mln teńgege 63 joba iske asyp, tapsyrylǵan
Taǵyda aita tússek, «Meniń mektebim» arnaiy jobasy aiasynda sharaǵa jinalǵan kásipkerler Shyǵys Qazaqstan oblysy aýmaǵynda bilim oshaqtaryndaǵy himiia, fizika, biologiia jáne robototehnika kabinetterin jaraqtandyrýǵa óz úlesterin qosýǵa daiyn ekenderin bildirdi. Osy rette «Meniń mektebim» jobasy sheńberinde kásipkerler arasynda aýktsion ótip, oǵan forýmǵa jinalǵan qoly ashyq márt kásipkerler belsene qatysty.
– Memleket basshysy Nursultan Nazarbaevtyń sarabdal saiasatynyń arqasynda elimizdegi jastar zaman talabyna sai bilim alyp jatqany meni qatty qýantady. Kez kelgen kásipker óziniń týǵan jerindegi bilim oshaǵyn damytýǵa qoldan kelgenshe kómek kórsetýi kerek. Kásipkerlerdiń mundai qamqorlyǵy shaǵyn aýyldarda jaqsy aýra týǵyzyp, jastardy qanattandyra túsetini anyq. Búginde halyq tarapynan úlken qoldaýǵa ie bolǵan «Rýhani jańǵyrý» baǵdarlamasynyń ózeginde osyndai adami qundylyqtardy qasterleý jatqanan baiqaýǵa bolady, – dep «Tas kredit» kompaniiasynyń jetekshisi Dýlat Tastekeev kókeidegi oiyn ortaǵa saldy. Áriptesteriniń tartymdy oiyn qoldaǵan shyǵysqazaqstandyq kásipkerler aldaǵy ýaqytta aimaqtyq «Paryz» qoryna 2 mlrd. teńgeden astam qarjy aýdarýǵa daiyn ekenderin alǵa tartty. Kásipkerlerdiń mundai jomarttyǵyna kýá bolǵan Shyǵys Qazaqstan oblysynyń ákimi Danial Ahmetov:
– Elbasy Nursultan Nazarbaev «Rýhani jańǵyrý» baǵdarlamasynda elimizdegi patriotizmniń ózegende jatqan ulttyq etnikalyq kodymyzdy saqtap qalýdyń mańyzy týrasynda aitqan edi. Búgin sol ulttyq biriligimizdiń nyǵaiyp, órken jaiǵanyna kýá bolyp otyrmyn. Osy rette «Meniń mektebim» sharasyna airyqsha qoldaý bildirgen kásipkerlerge alǵys aitqym keledi. Qazaqstannyń básekege qabiletti bolyp, qarqyndy túrde damýy bizdiń jastarymyzdyń bilim alýyna jumsaǵan investitsiiamyzben ólshenedi, – dep óńir basshysy kásipkerlergi ystyq yqylasyn bildirdi.
Forým jumysynyń sońy Qazaqstannyń óner sheberleri qatysqan kontserttik baǵdarlamaǵa ulasty. Óz kezeginde Qazaqstannyń Halyq ártisi Roza Rymbaeva, «Jigitter», «Ringo» toby jáne «Týretskogo» qory jinalǵan qaýym aldynda óner kórsetip, ánmen shashý shashty.
Forým barysynda sóz alǵan jeztańdai ánshimiz Roza Qýanyshqyzy:
– Jyl saiyn el aralap, óner kórsetkenimde keń baitaq Qazaqstanny árbir óńiri órkendep, qanat jaiyp kele jatqanyn baiqap júrmin. Búgin ózimniń jerlesterim «Týǵan jer» baǵdarlamasy aiasynda mańyzdy sharany qolǵa alǵany qatty qýantty. Árbir kásipker óziniń týǵan jerine qamqorlyq jasasa, elimiz órkendep gúldene túsetini anyq. Osy bir mańyzdy sharaǵa óz úlesimdi qosyp, jastarymyzdyń jan-jaqty bilim alýy úshin 1 mln. teńge qarjylai úles qosamyn, – dep belgili ánshi sharaǵa qoldaý bildirdi.
