ءقازىردىڭ وزىندە «تۋعان جەر» باعدارلاماسى باعدارلاما اياسىندا شىعىس قازاقستان وبلىسىندا جالپى قۇنى 21،5 ملرد تەڭگەگە 1 360 الەۋمەتتىك جوبا ىسكە اسۋدا. سونىڭ ىشىندە اتاپ وتسەك، وسكەمەندە جاڭا وڭالتۋ ورتالىعى سالىنىپ، «نۇرلى جول» ساياباعى اشىلدى. سونداي-اق، زىريان، ريددەر قالالارىندا سپورت مەكەمەلەرى بوي كوتەرسە، ايماقتاعى ءبىرقاتار دەنساۋلىق ساقتاۋ نىساندارى زاماناۋي قۇرالدارمەن جابدىقتالدى.
شاعىن جانە ورتا بيزنەس وكىلدەرى دە شەتتە قالمادى. بيىلعى جىلدىڭ وزىندە ولاردىڭ دەمەۋشىلىگىمەن 5،2 ملرد تەڭگەگە 929 الەۋمەتتىك جوبا ىسكە اسۋ ۇستىندە.
– شاعىن عانا كاسىپتى دوڭگەلەتىپ وتىرعان كاسىپكەرلەر قازىردە ءىرى كاسىپورىندارمەن تەڭ دارەجەدە قولداۋ كورسەتىپ كەلەدى. اسىرسە اۋدان كاسىپكەرلەرى قاراجاتىنىڭ كولەمىنە قاراماستان، بالاباقشا قۇرىلىسىنا قولداۋ ءبىلدىرىپ كەلەدى، – دەدى شقو اكىمى دانيال احمەتوۆ.
ايتا كەتسەك، «تۋعان جەر» باعدارلاماسى اياسىندا 2147،7 ملن،تەڭگەگە اباتتاندىرۋ بويىنشا 289 جوبا ىسكە اسۋدا. سونىڭ ىشىندە 150،5 ملن تەڭگەگە 63 جوبا ىسكە اسىپ، تاپسىرىلعان
تاعىدا ايتا تۇسسەك، «مەنىڭ مەكتەبىم» ارنايى جوباسى اياسىندا شاراعا جينالعان كاسىپكەرلەر شىعىس قازاقستان وبلىسى اۋماعىندا ءبىلىم وشاقتارىنداعى حيميا، فيزيكا، بيولوگيا جانە روبوتوتەحنيكا كابينەتتەرىن جاراقتاندىرۋعا ءوز ۇلەستەرىن قوسۋعا دايىن ەكەندەرىن ءبىلدىردى. وسى رەتتە «مەنىڭ مەكتەبىم» جوباسى شەڭبەرىندە كاسىپكەرلەر اراسىندا اۋكسيون ءوتىپ، وعان فورۋمعا جينالعان قولى اشىق ءمارت كاسىپكەرلەر بەلسەنە قاتىستى.
– مەملەكەت باسشىسى نۇرسۇلتان نازاربايەۆتىڭ سارابدال ساياساتىنىڭ ارقاسىندا ەلىمىزدەگى جاستار زامان تالابىنا ساي ءبىلىم الىپ جاتقانى مەنى قاتتى قۋانتادى. كەز كەلگەن كاسىپكەر ءوزىنىڭ تۋعان جەرىندەگى ءبىلىم وشاعىن دامىتۋعا قولدان كەلگەنشە كومەك كورسەتۋى كەرەك. كاسىپكەرلەردىڭ مۇنداي قامقورلىعى شاعىن اۋىلداردا جاقسى اۋرا تۋعىزىپ، جاستاردى قاناتتاندىرا تۇسەتىنى انىق. بۇگىندە حالىق تاراپىنان ۇلكەن قولداۋعا يە بولعان «رۋحاني جاڭعىرۋ» باعدارلاماسىنىڭ وزەگىندە وسىنداي ادامي قۇندىلىقتاردى قاستەرلەۋ جاتقانان بايقاۋعا بولادى، – دەپ «تاس كرەديت» كومپانياسىنىڭ جەتەكشىسى دۋلات تاستەكەيەۆ كوكەيدەگى ويىن ورتاعا سالدى. ارىپتەستەرىنىڭ تارتىمدى ويىن قولداعان شىعىسقازاقستاندىق كاسىپكەرلەر الداعى ۋاقىتتا ايماقتىق «پارىز» قورىنا 2 ملرد. تەڭگەدەن استام قارجى اۋدارۋعا دايىن ەكەندەرىن العا تارتتى. كاسىپكەرلەردىڭ مۇنداي جومارتتىعىنا كۋا بولعان شىعىس قازاقستان وبلىسىنىڭ اكىمى دانيال احمەتوۆ:
– ەلباسى نۇرسۇلتان نازاربايەۆ «رۋحاني جاڭعىرۋ» باعدارلاماسىندا ەلىمىزدەگى ءپاتريوتيزمنىڭ وزەگەندە جاتقان ۇلتتىق ەتنيكالىق كودىمىزدى ساقتاپ قالۋدىڭ ماڭىزى تۋراسىندا ايتقان ەدى. بۇگىن سول ۇلتتىق بىرىلىگىمىزدىڭ نىعايىپ، وركەن جايعانىنا كۋا بولىپ وتىرمىن. وسى رەتتە «مەنىڭ مەكتەبىم» شاراسىنا ايرىقشا قولداۋ بىلدىرگەن كاسىپكەرلەرگە العىس ايتقىم كەلەدى. قازاقستاننىڭ باسەكەگە قابىلەتتى بولىپ، قارقىندى تۇردە دامۋى ءبىزدىڭ جاستارىمىزدىڭ ءبىلىم الۋىنا جۇمساعان ينۆەستيسيامىزبەن ولشەنەدى، – دەپ ءوڭىر باسشىسى كاسىپكەرلەرگى ىستىق ىقىلاسىن ءبىلدىردى.
فورۋم جۇمىسىنىڭ سوڭى قازاقستاننىڭ ونەر شەبەرلەرى قاتىسقان كونسەرتتىك باعدارلاماعا ۇلاستى. ءوز كەزەگىندە قازاقستاننىڭ حالىق ءارتىسى روزا رىمبايەۆا، «جىگىتتەر»، «رينگو» توبى جانە «تۋرەسكوگو» قورى جينالعان قاۋىم الدىندا ونەر كورسەتىپ، انمەن شاشۋ شاشتى.
فورۋم بارىسىندا ءسوز العان جەزتاڭداي ءانشىمىز روزا قۋانىش قىزى:
– جىل سايىن ەل ارالاپ، ونەر كورسەتكەنىمدە كەڭ بايتاق قازاقستاننى ءاربىر ءوڭىرى وركەندەپ، قانات جايىپ كەلە جاتقانىن بايقاپ ءجۇرمىن. بۇگىن ءوزىمنىڭ جەرلەستەرىم «تۋعان جەر» باعدارلاماسى اياسىندا ماڭىزدى شارانى قولعا العانى قاتتى قۋانتتى. ءاربىر كاسىپكەر ءوزىنىڭ تۋعان جەرىنە قامقورلىق جاساسا، ەلىمىز وركەندەپ گۇلدەنە تۇسەتىنى انىق. وسى ءبىر ماڭىزدى شاراعا ءوز ۇلەسىمدى قوسىپ، جاستارىمىزدىڭ جان-جاقتى ءبىلىم الۋى ءۇشىن 1 ملن. تەڭگە قارجىلاي ۇلەس قوسامىن، – دەپ بەلگىلى ءانشى شاراعا قولداۋ ءبىلدىردى.
