Oblystyq ákimdik otyrysynda atalǵan baǵytta óńirdegi jóndeý-daıyndyq jumystary josparǵa saı júrip jatqany tilge tıek etildi. Qazannyń birine deıin aımaqtaǵy kópqabatty turǵyn úıler túgelderlik qysqa tolyq daıyn bolady. JEO men iri jylý berý kózderi 358 myń tonna otynmen qamtylǵan. Búdjettik mekemeler de 100 paıyz daıyn. Otyn kóziniń tapshylyǵyn týdyrmaý maqsatynda atalmysh sala nysandaryna kúzgi aılarda kómir jetkizý kestesi bar. Al kómirdi shildeniń on besinen bastap «Qarajyra» AQ tıep jatyr.
– Aýa temperatýrasy kúrt tómendeıtin bolsa, mektepter, mektepke deıingi jáne densaýlyq saqtaý mekemelerine birden jylý berýdi tapsyramyn, – dedi oblys ákimi Danıal Axmetov jıyn barysynda.
Sondaı-aq, aımaq basshysy Zyrán qalasynyń qysqa daıyndyǵynyń saqadaı saı bolýyn erekshe atap ótti. Qalaı degenmen, qala turǵyndary ótken jylǵy jaǵdaıdy taǵy bir márte bastan keshpeýleri tıis.
SHQO ákiminiń baspasóz qyzmeti
–
