ShQO jer qatynastary basqarmasy: «Qytai investoryna jer berilmeidi»
Onyń aitýynsha, eshqandai jer qytai investorlarynyń qolyna berilgeli turǵan joq. Jer satylmaidy.
– Qazirgi ýaqytta Úrjar aýdanynyń aýmaǵynda 300 gektar jer memlekettik rezervten shyǵarylǵan. Osy eki ýchaskege qus fabrikasyn salý josparlanǵan. Aýqymdy qurylys jumystaryna qazaqstandyqtar men qatar sheteldik investorlar da qatysa alady. Jerdi satý týraly eshqandai áńgime joq. Sonymen qatar Úrjar aýdanynda 40 myńǵa jýyq gektar aýylsharýashylyq telimderi qus fabrikasynyń jemshóp qoryn qamtamasyz etý maqsatyna memleket menshiginde saqtalyp tur, – deidi V.Barsýkova.
Basqarma basshysynyń sózine sensek joǵaryda aitylǵan 40 myń gektar jer burynǵydai memleket menshiginde qala bermek. Atalǵan aýmaqqa bolashaqta salynatyn qus fabrikasynyń azyǵy, iaǵni taýyq jemine arnalǵan dándi-daqyldar egiledi. Zań boiynsha bul jerler memleket menshiginde, sondyqtan atalmysh ýchaskelerdi satýǵa nemese sheteldikterge berýge eshkimniń eshqandai quqyǵy joq. Jer tek qana Qazaqstan azamattaryna nemese sheteldiń qatysýynsyz zańdy tulǵalarǵa ǵana beriledi.
Áleýmettik jelilerde 40 myń gektar jerdiń sheteldikterge beriletini týraly aqparat tarap halyq arasynda alýan túrli pikir aitylyp jatqany belgili. ShQO jer qatynastary basqarmasy atalmysh aqparattyń jańsaq eken jáne eshqandai shyndyqqa janaspaitynyn málimdedi.
[video width="1280" height="720" mp4="https://dalanews.kz/wp-content/uploads/2019/05/Viktoria.mp4"][/video]
